दुल्हा दुलरूवा बबुआ , अबध किशोर हे ।। गीतकार - दिनेश झा "माधव"

                ।। राम विवाह गीत ।।

     दुल्हा दुलरूवा बबुआ , अबध किशोर हे ।
     जनक जमैया देखि -2, मनमा विभोर हे ।।
           दुल्हा दुलरूवा  बबुआ...........।।
     फुल सन कोमल देहिया , पान सन ठोर हे ।
     कमल नयन रघुवर - 2 ,  सिया चितचोर हे ।।
          दुल्हा दुलरूवा बबुआ.............।।
     अछि मोन शंका सखि हे , सुनु बात मोर हे ।
     कोना क ई भंग कयलनि-2, धनुष कठोर हे ।।
          दुल्हा दुलरूवा बबुआ................।।
     रवि सम कान्ति चमकत, जोत ईजोर हे ।
      श्याम वरण दुल्हा - 2, दुल्हिन गोर हे ।।
           दुल्हा दुलरूवा बबुआ..............।।
     चलु सखि बान्हु वर कें , प्रितक डोर हे । 
    कहत " माधव " सखि हे- 2 , पहुना  बेजोड़ हे ।।
           दुल्हा दुलरूवा बबुआ............।।       

    ------- गीतकार दिनेश झा " माधव "
          सझुआर , बेनीपुर , दरभंगा , मिथिला
                    8369384585