रुबाइ

कर्जा कए कऽ हम जीवन जीव रहल छी

फाटल अपनकेँ कहुना सीब रहल छी

सभ किछु गवा कए ‘मनु’अपन जीवनकेँ

निर्लज भए हम ताड़ी पीब रहल छी   

रूबाइ

जागल आँखि केर सपना बनल जिनगी
कुहरल आश केर झपना बनल जिनगी
फाटल छल करेज हम सीबैत रहलौँ
रूसल सुखक आब नपना बनल जिनगी

रूबाइ

कोना कऽ रंगलक करेज केँ इ रंगरेज, रंग छूटै नै।
नैन पियासल छोडि गेल, मुदा आस मिलनक टूटै नै।
हमरा छोडि तडपैत पिया अपने जा बसला मोरंग,
बूझथि विरहक नै मोल, भाग्य इ ककरो एना फूटै नै।