dahej mukt mithila

(एकमात्र संकल्‍प ध्‍यान मे-मिथिला राज्‍य हो संविधान मे) अप्पन गाम घरक ढंग ,अप्पन रहन - सहन के संग,अप्पन गाम-अप्पन बात में अपनेक सब के स्वागत अछि!अपन गाम -अपन घरअप्पन ज्ञान आ अप्पन संस्कारक सँग किछु कहबाक एकटा छोटछिन प्रयास अछि! हरेक मिथिला वाशी ईहा कहैत अछि... छी मैथिल मिथिला करे शंतान, जत्य रही ओ छी मिथिले धाम, याद रखु बस अप्पन गाम - अप्पन बात ,अप्पन मान " जय मैथिल जय मिथिला धाम" "स्वर्ग सं सुन्दर अपन गाम" E-mail: apangaamghar@gmail.com,madankumarthakur@gmail.com mo-9312460150

AAP SABHI DESH WASHIYO KO SWATANTRAT DIWAS KI HARDIK SHUBH KAMNAE

सोमवार, 26 फ़रवरी 2018

प्रियतम जुनि करू आब विलासे ।। रचयिता - रेवती रमण झा "रमण"

            || प्रियतम जुनि करू आब विलासे ||
                                 

प्रियतम  जुनि   करु   आब  विलासे
दीप-शिखा शशि ज्योति मलिन भेल
भानु प्रभा छथि पासे ।।  प्रियतम....

संगक  सखी   अवगत   रति  भेदहुँ
  करत           हास्य      -   परिहासे ।
  गत   रस   गंध    अंग   सब   झामर
   अरुणिम अधर उदासे ।। प्रियतम....

सगर   रैन   चैन    चित   पल   नई
वासर           धरु         सबकासे ।
पाओल      सुखद    समागम  वेला
की रवि राहु गरासे ।।  प्रियतम......

"रमण" सुमन अलि बचन श्रवण करु
   नइ      पुनि       उचित       दिलासे ।
   तृषित   मनोज  तृप्त  भय    लज्जित
     भेल चित निरस कपासे ।।  प्रियतम....

रचयिता
रेवती रमण झा"रमण"


शनिवार, 24 फ़रवरी 2018

अनुपम छवि ऋतुराज वसंत । रचयिता - रेवती रमण झा "रमण"

      || वसंत - गीत ||
                          

अनुपम  छवि   ऋतुराज  वसंत
 सुललित कानन चारु कल्प नव
       तरुवर तरुण चढ़ंत ।। अनुपम......

  कुहुकत कोकिल कुँज कुटिर नव
   कलरव      कर      मधु      गाने ।
  नवल  कुसुम  नवरंग  नवल  रस
      भ्रमर  करत मधु पाने ।। अनुपम....

शीतल  मंद  बहय  मलयानिल
सुमन    सुरभि     लय     माते
   खग मन मुदित उदित मुक्तामणि
      मंजरि मधु बरसाते ।। अनुपम.....

शैशव छिन ऋतू संचित यौवन
भल         सरवस       समतुले
  "रमण" सुमन अलि आलिंगन रत
       पावन ऋतु अनुकूले ।। अनुपम.....

रचयिता
रेवती रमण झा"रमण"


मंगलवार, 20 फ़रवरी 2018

|| होली में चलते गोली रंगरसिया ||

               || होली में चलते गोली रंगरसिया ||
                           

होली में चली गेले गोली रंगरसिया
होली में------------------------------

बहलै   पछवा     ठीके   दुपहरिया
निकसलि  घर  सँ  वसंती  बहुरिया

   होली के हुड़दंग में सर  र  र र  र र र
     फाटि गेलै गोरिया के चोली रंगरसिया
                    होली में.............

भंग   तरंग   अंग   अछि    जागल
बुढ़बो  फागुन    में  देवरा   लागल

डम्फा   ताल   पे    गाबै   जोगीरा
अंगना  में चले  टिटौली  रंगरसिया
                      होली में-------------

सतरंगी   भरी  -  भरी   पिचकारी
होली     खेलथि     कृष्ण    मुरारी

भेद   भाव   नई    रंग   महल।  में
" रमण" बनल हम जोली रंगरसिया
  होली   में   चली   गेलै   गोली  ।।
                
रचयिता
रेवती रमण झा"रमण"
mo-9997313751 


शनिवार, 17 फ़रवरी 2018

नयन सूखल नयि नोरक धार रचयिता - रेवती रमण झा"रमण"

              ||  सूखल नयन नयि नोरक धार ||
                                   
  
पथ हेरि वयस बितल गहि मोख
आँचर  छूछ, विकल  भेल कोख
भेल     संताप    सींथक    सिंदूर
नई   भल  कैल,   कंत  मोर   दूर
सरसिज  सेज  शूलहि  सन भेल
जे  भल हमर  चित्तहि चलि  गेल
शीतल   समीर   ताप   तन  लाग
की  जग  पैच   भेटय  भल  भाग
"रमण" केहन दुर लिखल लिलार
  सुखल  नयन  नञी  नोरक  धार

रचयिता
रेवती रमण झा"रमण"




बुधवार, 14 फ़रवरी 2018

दिगम्बर जटाधारी। रेवती रमण झा " रमण "

                               || नचारी ||
                            दिगम्बर जटाधारी
                          
  बमभोला    दिगम्बर  जटाधारी  
कौने दिशा में, गेलै मोर योगिया
मोर        बौरहवा       त्रिपुरारी
                  बमभोला..........
      गणपति   बापू  के , कियो  पता  दे   
      ओहि   मशानी    के   कियो  बता दे   
   पिया बिनु आब कोना,रहबै गए दैया
               जीवन     ई     हम्मर    भेलै    भारी           
                        बमभोला..........   
     मति मरि गेलै  ,नई भांग  पिसलिअई 
         नई हम जनलिअइ,अनुचित केलिअई     
    भांगहि     खातिर    भगलै   केलाशी
     कौने   रहिया    में     गेले   रे  भंडारी
                       बमभोला............
    "रमण" उमा बिनु, शिव कतय जयता
     बैसू   अपन   घर,    अपनहि   औता
      आबि  गेला  शंकर,  देखू  नयन  भरी
      ओढ़ी          बाघम्बर      त्रिशुलधारी
                      बमभोला...........

रचनाकार
   रेवती रमण झा " रमण "

















सोमवार, 12 फ़रवरी 2018

कतय सँ ई मुरलीक मधुर गीत उठल

           ||कतय सँ ई मुरलीक मधुर गीत उठल ||
                                 


     गूँजि उठल वसुधा, कि अम्बर सँ टुटल
     कतय सँ ई  मुरलीक  मधुर गीत  उठल
     चललि  छी  पानिक   नदिक  हम  तीरे
     कीयक मोन विस्मित ,भेल स्थूल सरीरे
     दूनू  चक्षु  चंचल ,   केकर  बाट  जोहय
     के  मन  एकाकी ,    एका  एक  मोहय
     अंजान  पथ  पर , रुकलि  बनि बता हे
      के    पैर   दूनू  ,     देलक   रोकि   राहे
     सकल शर्म लज्ज्या,के हमर आई लूटल
     कतय  सँ  ई  मुरलिक मधुर  गीत  उठल
     किरण  आब  साँझक ,  देखाक   डूबैया
     निशा    कृष्ण     पक्षक    सेहो    छूबैया
     चरवाह   वन   सँ    अपन   वाट   धेलक
     चीड़इ  सब  खोता , अपन  आब  लेलक
     रहब  हम  ठाढहि ,  काहाँ सुधि हेराओल
     के   ई   हमर   चित्त   छन   में   चुराओल
     कलश  काँख  तर में,परल अइ की फूटल
     कतय  सँ  ई  मुरलीक ,मधुर  गीत  उठल
     के  छी ?  काहाँ  छी ? हमर  प्रार्थना अइ
     करू  बन्द  मुरली   ,   हमर  अर्चना  अइ
     विलम्बक  कथा , गृहि  कहब  की बचाबू
     निर्दोष   हम   छी   ,    नै   हमरा   नचाबू
     आहाँक गीत मुरलीक, हृदय हमर छूबि गेल
     उमरि परल धार मधुर अमृत  सार चुबि गेल
     तृषित प्यास पानिक  ,  हमर सब छूटल
     कतय  सँ  ई मुरलिक  मधुर  गीत   उठल
     
                             रचयिता
                   रेवती रमण झा "रमण"
                        

रविवार, 11 फ़रवरी 2018

ई अवला पाबि अनर्थे

                 ||  ई अवला पाबि अनर्थे ? ||

                 रभसि ,रभसि अति प्रीत पसारथि
                 मम         वयसक         वीपरीते ।
                 क    नोर    अङ्गोरे     जारथि
                 हेरत     हे    प्यास    की    सीते ।।
                 सुललित सुरति रचल विधि वियर्थहुँ
                 रम         करम           असमर्थे ।
                 हि   सम     नयन   निरेखथि  दैबहूँ
                 ई     अवला      पावि     अनर्थे   ?


                    रचयिता
                         रेवती रमण झा " रमण "
                         

       

बुधवार, 7 फ़रवरी 2018

आँहा सासुर में रखबै कोना क

  ।। आँहा सासुर में रखबै कोना क ।।


धिया    नैहर  के   बहसल   ठोर
    आहाँ   ससुर में रखबै  कोना क ।।

बापक   फूल बेटी मायक  दुलारु
   निपलौ ने आँगन पकरलौ ने झाडू

धिया        पाकल          पडोर
    आँहा  कोहबर में रहबै कोना क ।।
                                              धिया नैहर..................

   छोटके कि बड़के,ने ककरो चिताबी
   एमह  के  ओमहर,  लुतरी    लगाबी

बोल           ननदिक        कठोर
बचन  सासुक  सहबै कोना क ।।
                                          धिया नैहर................

प्राणनाथ प्रियतम के सेवा की करबै
पहिलुक परसि अपन आँगा में धरबै

"रमण"      पिपनी     पर     नोर
छन्नही    में    बैसबै    जना    क
                                धिया नैहर................

                                   रचयिता                            रेवती रमण झा"रमण"
                               

                   

                     


सोमवार, 5 फ़रवरी 2018

उघारि लीय मुँह

                             उघारि लीय मुँह
                             

           
                उघारि लीय मुँह , हये घोघ वाली कनियाँ
                ऐ चले छी आहाँ,  ई  हँसेया  दुनियां ।।
                
                जाने छी सब बात, बैसल छी घरे
                देखै   छी   सबके  , घोघक   तरे 
              
                बाजे छी टन-टन जेना कि हरमुनियाँ
                ऐ चले छी आहाँ----------------------

                बाजे छी थोरबे , छोट  मिरचाइ  सन
                देखै में चिक्कन, मुदा छी सलाई सन

                लेसे छी चुप्पे , जे बुझत के दुनीयाँ
                 ऐ चले छी आहाँ -------------------

                धोइल् अहाँ छी , आ सब मुसहरनी
                सत्ती आहाँ छी , आ सब भेल चोरनी

              "रमण" के धुनेंछी, जेना की धुनें धुनिया
                ऐ चले छी आहाँ -----------------------

                                  रचयिता
                        रेवती रमण झा " रमण "