dahej mukt mithila

(एकमात्र संकल्‍प ध्‍यान मे-मिथिला राज्‍य हो संविधान मे) अप्पन गाम घरक ढंग ,अप्पन रहन - सहन के संग,अप्पन गाम-अप्पन बात में अपनेक सब के स्वागत अछि!अपन गाम -अपन घरअप्पन ज्ञान आ अप्पन संस्कारक सँग किछु कहबाक एकटा छोटछिन प्रयास अछि! हरेक मिथिला वाशी ईहा कहैत अछि... छी मैथिल मिथिला करे शंतान, जत्य रही ओ छी मिथिले धाम, याद रखु बस अप्पन गाम - अप्पन बात ,अप्पन मान " जय मैथिल जय मिथिला धाम" "स्वर्ग सं सुन्दर अपन गाम" E-mail: apangaamghar@gmail.com,madankumarthakur@gmail.com mo-9312460150

AAP SABHI DESH WASHIYO KO SWATANTRAT DIWAS KI HARDIK SHUBH KAMNAE

बुधवार, 30 मई 2018

निर्गुन - पराती , रेवती रमण झा " रमण "

                        || निर्गुन - पराती ||

              सजन विनु रहिहहुँ  कओन सुहागिन ।
              एहि  घरी  प्रीत  मिलन  करु  सुन्दरि
              ना कर सोई अभागिन ।।  सजन.....

              साजि     सयन    जेवनार    जेमाबहुँ
              पुनि        अवसर       लभ     नाही ।
              बितहुँ    रयन    पिया   उठि   जैहहि
              तुँव सिर धुनि पचताहीं ।। सजन....

              साजु   सुभग   सुन्दरि   मुख  अयना
              हेरि         सकहि      पियु      तोरा ।
              रूप     कुरुप     पूछ    नहि    एकहुँ
              परत विरह तन कोरा ।।  साजन.....

              जो   यौवन   पियु   दरस   परस नहि
              सो        यौवन       भल        नाहीं ।
              जाको    पिया   पकरि   कर   लीन्हीं
              "रमण" जन्म तरि जाही ।। सजन...

                                 रचयिता
                         रेवती रमण झा " रमण "
                                       


सोमवार, 28 मई 2018

निर्गुन - रेवती रमण झा " रमण "

                                " निर्गुन "

                   छूटल    हो    ,   आजु    छूटल    हो
                   मोरा   नहिरा   से   नाता   छूटल  हो

                   जबहि मिलन आयो संग रे सहेलिया
                   अँखिया से आंसू टुटल हो ।।  आजु.....

                   काँचहि  वाँस  के  डोली  रे  गवनमा
                   चारि कहरिया जुटल हो ।।  आजु.......

                   अपन - अपन  कहि  धनमा बटोरल
                   आजु सकल मिलि लूटल हो ।। आजु.....

                   कहत रमण भाई  सुनो बक - साधो
                   आज करमुआँ फुटल हो ।।  आजु.......

                                    रचयिता
                         रेवती रमण झा " रमण "
                                        

      

शुक्रवार, 25 मई 2018

किसलय कृष्ण निर्देशित मैथिली लघु फिल्म 'इतिहास (द प्राइड ऑफ मिथिला)' केर स्क्रीनिंग शो दीनदयाल उपाध्याय मार्ग,दिल्ली स्थित राजेन्द्र भवन मे संपन्न

मन टेलीमीडिया प्रस्तुत वीर लोरिकक कथांश पर आधारित अनिल मिश्रा, जानबी झा, मुन्ना चमन,अतुल आदि अभिनीत आ किसलय कृष्ण निर्देशित मैथिली लघु फिल्म 'इतिहास (द प्राइड ऑफ मिथिला)' केर स्क्रीनिंग शो दीनदयाल उपाध्याय मार्ग,दिल्ली स्थित राजेन्द्र भवन मे संपन्न भेल। 
        समारोहक प्रारम्भ गोसाओनिक गीत जय-जय भैरवि सँ भेल आ तदुपरान्त अतिथि लोकनिकेँ स्मृति चिन्हक रूपमे इतिहासक प्रिंटेड कप दय सम्मानित कएल गेल।  स्वागत भाषण इतिहास फिल्मक अभिनेत्री जानबी झा द्वारा कएल गेल। फिल्मक निर्देशक किसलय कृष्ण एहि फिल्मक निर्देशकीय अनुभव विस्तृत रूपमे साझा केलनि।  
           मुख्य अतिथि डॉ. शेफालिका वर्मा, विशिष्ट अतिथि नीरज पाठक (उपाध्यक्ष मैथिली-भोजपुरी अकादमी), उद्घाटनकर्ता विनोद कुमार झा आ सत्रक अध्यक्षता वरिष्ठ अभिनेता शुभ नारायण झा केर संगहि दिल्ली एनसीआर मे मिथिला-मैथिली सेवार्थ सदैव तत्पर शरत झा, तपन झा, हेमंत झा,संजीव सिन्हा, रामबाबू सिंह,कुमकुम झा,अरुणाभ सौरभ,केशव झा,आदित्य भूषण मिश्र, बसन्त झा वत्स,राजीव झा, गिरिधारी मिश्र,विनोद झा, प्रभंजन झा,इंदिरा दास,अजय झा, विनय ठाकुर आदि लोकनिक उपस्थिति मे २८ मिनटक फ़िल्म प्रदर्शनक उपरान्त परिचर्चाक क्रममे किछु त्वरित आ महत्त्वपूर्ण प्रतिक्रिया सेहो भेटल।  
        वक्ता लोकनि नीक-बेजाए कएक टा पक्ष पर अपन-अपन दृष्टिकोण रखलनि। जानबी झा आ अतुल दू गोट कलाकार शूटिंग मे भेल अपन अनुभव सेहो साझा केलनि। सञ्चालनक जिम्मा मनीष झा बौआभाइ केँ देल गेल छल आ अंत मे शुभनारायण झाक अध्यक्षीय वक्तव्य उपरान्त फ़िल्म निर्देशक आ एहि समारोहक आयोजक किसलय कृष्ण द्वारा धन्यवाद ज्ञापित कएल गेल। ए. के. दास आ रामबाबू सिंह मधेपुरक संयोजनमे आयोजित समारोह सफलतापूर्वक संपन्न भेल।
जय मैथिल - जय मिथिला 
बौआभाइ 

सोमवार, 21 मई 2018

निरगुन - पराती - रचनाकार - रेवती रमण झा " रमण "

         

           निर्गुण - पराती
     
                 अब का सोच करत वा रे प्राणी

                   जब  जीवन  तन नहीं - नहीं ।।
                                            अब का.......... 
                 इत्र   फुलेल   तेल   तन   पाया

                 ओ   तन   तेरा   नहीं - नहीं ।।
                                              अब का..........   
                 अब  का  ढूँढहुँ  घर  की  नारी
                 तन  की  नारी  नहीं  - नहीं ।।
                                                  अब का..........                              
                पाप  सिन्धु  मझधार  में  नैया
                 कोई   खेबैया   नहीं  - नहीं ।।
                                                       अब का........                              
               धरम  पाप  की  साथ गेठरिया
                 हीरा   मोती    नहीं   -  नहीं ।।
                                                       अब का.......                             
             "रमण" सुमन शिव एक सहारा
                 और   सहारा   नहीं  -  नहीं ।।
                                                 अब का.......



        रचयिता

          रेवती रमण झा " रमण "
                                  
      


शुक्रवार, 18 मई 2018

विनती सुनू हे काली - गीतकार - रेवती रमण झा " रमण "

                     || विनती सुनू हे काली ||
                                काली गीत
                                      


                         विनती  सुनु  हे  काली
                         ई  छी  हमर  कहानी ।
                         पूजाक   फूल  अच्छत
                         लयलौ ने हे भवानी ।। विनती--------

                         मायो  हमर  अही  छी
                         हम  पुत्र छी आहाँ  के
                         दुःख  दर्द की कहु हम
                         अतबे कहब  आहाँ के

                         एक पल सम्हलि ने पेलौ
                         धीरज कतेको आनी ।। विनती------

                         हम  छी  कुपुत्र  जौ त
                         पुत्रो  त  छी  अहीं  के
                         होयत  हँसी  जौ  हमर
                         हँसियो त  छी अहीं के

                         ई  जानि  लाज अपन
                         गहू पुत्र के माँ पाणी ।। विनती------

                         कर खडग शूल खप्पर
                         सबटा  के  आब  छोरु
                         टूगर  आहाँ  बिना  छी
                         एम्हरो  त  ध्यान  मोरु

                         ताकू "रमण" के जीवन
                         तनिको त पुत्र जानी ।। विनती------

                                     गीतकार
                          रेवती रमण झा " रमण "
                                

             



                         

मंगलवार, 15 मई 2018

अहीं अवलम्ब हमर छी ए ।। गीतकार - रेवती रमण झा " रमण "

                 || अहीं अवलम्ब हमर छी ए ||
                               काली - गीत
                                       

माँ   काली   कृपा   जगदम्ब
  अहीं  अवलम्ब  हमर  छी  ए ।
कयलौ      कतेक     विलम्ब
    अहीं  अवलम्ब  हमर  छी  ए ।।

जे जे कयलौ , अहीं करयलौ
पाप पुण्य दिश हाथ धरयलौ

हमर     कसूर     की    अम्ब
                अहीं  अवलम्ब  हमर  छी  ए ।। माँ.......

      बैसि  गेलौ  हीय  सेवि  निरासा   
        आब अहिंक हमरा अछि आशा     

      रक्षा      करू       अविलम्ब      
                 अहीं  अवलम्ब हमर  छी  ए ।। माँ....... 

            "रमण" आहाँक माँ पद पंकज गहि    
          थाकि चुकल दुःख करुण कथा कहि

भक्त    अधम    सुत    अम्ब
                 अहीं  अवलम्ब  हमर  छी  ए ।। माँ.......

                       गीतकार                 
                            रेवती रमण झा " रमण "                                                   


                    








                     


                     




                     





                     


                     





                                      


                          


                                          
  






               

सोमवार, 14 मई 2018

पूरब अचल अहिवात मनोरथ - गीतकार - रेवती रमण झा " रमण "

   | | पूरब अचल अहिवात मनोरथ ||
    " वरसाइत गीत "
                                       


 सकल सुहागिन वर तर साजल
  लाले     पहिर        पटोर     रे ।
  पूरब  अचल  अहिवात  मनोरथ
   अछि   मन  मुदित  विभोर  रे ।।

   व्रत   पूजा   वर   निष्ठा   सेबल
    गाओल     मंगल    गीत     रे ।
    रचि   सोलह   श्रृंगार  भव्य  वर
     चित   उमरल  अछि  प्रीत  रे ।।

    एक  अवला  केर आर कियो नै
     निज    उदगार    देखाबू    यौ ।
      एक   हमर   अभिलाषा  उर   में
      सदय    सुहाग    जूडाबू   यौ ।।

      गंग  जमुन  जल जाघरि जग में
       सबहक   अचल    सुहाग   करु
      "रमण" सुहागिन आहाँ के सेवल
        अपन   कृपा - अनुराग   धरु ।।

         गीतकार
              रेवती रमण झा " रमण "
                                       
          
                   

गुरुवार, 10 मई 2018

हे माँ वीणा अपन धरु ।। गीतकार - रेवती रमण झा "रमण"

                    || हे माँ वीणा अपन धरु ||
                                   " गीत "
                                       

हे   माँ    वीणा      अपन   धरु
   स्वरचित       संगीत      शारदा ।
गुंजित          अपन         करू
     हे    माँ    वीणा     अपन   धरु  ।।

नव जन गण मन छन्द तालनव
    जीवन         ज्योति          भरू । 
           नव युग नव ऋत नव जल थल नव      
      कल-कल सृजन करु ।।   हे माँ.....

 विद्या  बुद्धि  विनय  वर वारिधि
 गीता              ज्ञान           धरु
प्रलय   पंथ  मानव  जीवन   जे
   सुललित सुगम करू ।।  हे माँ....

"रमण" चरण-पंकज बहु सेबल
  हमरा          नै            बिसरू
  छोरु अपन  शयन  कमलासन
      सभतरि भ्रमण  करु ।।   हे माँ....

गीतकार
रेवती रमण झा " रमण "


     

मंगलवार, 8 मई 2018

पछवा भेल उदण्ड रे ।। गीतकार - रेवती रमण झा " रमण "

                     || पछवा भेल उदण्ड रे ||
                                      गीत
                                        


                   उबलि  रहल   जेठक   दुपहरिया
                   दिनकर उगल प्रचण्ड रे ।
                   कोकिल कण्ठक मधुर तान सुनि
                   पछवा भेल उदण्ड रे ।।   कोकिल.......

                   उठि   अन्हरौखे   आमक   गाछी
                   मुन्ना बेसि मचान पर ।
                   पाते  -  पाते   ताकि   रहल   अई
                   बम्बई मिसरी खण्ड रे ।।  कोकिल......

                   विडरो   नंगटे   नाचि  रहल  अइ
                   अगणित  खेत पथार  पर ।
                   उष्ण    बसाते    तवठल   गिदरा
                   खींचि रहल सब दण्ड रे ।।  कोकिल....

                   "रमण"  चिड़इ  बैसल  खोंता में
                    देखू पाँखि पसारि कय ।
                    जल थल नभचर तड़पि रहल अइ
                    टूटल सभक घमण्ड रे ।।  कोकिल.....

                                     गीतकार
                            रेवती रमण झा "रमण"
                                            
  


                
                   
                     

गुरुवार, 3 मई 2018

कुमति हरण करू हे अम्बे ।। गीतकार - रेवती रमण झा " रमण "

                 || कुमति हरण करू हे अम्बे ||
                                       


 बुद्धि बल सबल करू जग जननी
 कुमति   हरण   करू   हे   अम्बे ।
 विद्या  बुद्धि   विनय  वारिधि वर
 विश्व विदित छी जगदम्बे ।।  बुद्धि.....

                        चंचल   हंस   उपर   कमलासिनी
                        सिन्धु    मध्य    बिचरै    छी  यै ।
                        श्वेताम्बर   विधु    वदन    मनोहर
                        जन मन ज्योति भरैछी यै ।। बुद्धि......

 बीच    भँवर   में    उबडुब    जीवन
 माँ        पतवार       सम्हारु      ने ।
 एक   आश    विश्वास    आहाँ    के
 पातकी      जीवन       तारु     ने ।।


                        दुर्गम  बाट  दुसह  जीवन  अछि
                        दया     दृष्टी     माँ     डारु   यै ।
                       "रमण" चरण सरसिज चित चारु
                         भक्त   ने   अपन   बिसारु  यै ।।

                                    गीतकार
                        रेवती रमण झा " रमण "
                                       

                                    

बुधवार, 2 मई 2018

हे धिया स्वसुर कुल वास करब - गीतकार - रेवती रमण झा " रमण "

         || हे धिया स्वसुर कुल वास करब   ||        " गीत "
                                     


                  मातृ   भूमि   केर   मान   राखि
                  हे धिया स्वसुर कुल वास करब ।
                  मिथिला  केर   बेटी  सीता  केर
                  गुण ज्ञान सतत चित आहाँ धरब ।।

                  अमृत  मधु  सिक्त  बचन भाषब
                  राखब  उर   मंदिर   प्राण  पिया ।
                  निर्धन  मुख  के    ई  छुछ  बचन
                  हे  ग्रहण  करु  मिथिलाक  धिया ।।

                  बाबा के पागक लाज धिया राखबै
                  स्वसुर    जी    के    राखबै   शान ।
                  आहे धिया मिथिला के राखबै मान ।।

                  नित घर अंगना के नीपि झलकायब
                  कोमल  कर  सं   पिया  के  जगायब
                  देवर  दुलरुआ  के  अँचरा  सं पोछब
                  स्वसुर जी के देब जलपान ।।  आहे.....

                  मधुर  बचन आहाँ  सदिखन  भाषब
                  नहिरा  वियोग  सब  मोनो ने  राखब
                  सासुर के दुःख धिया मोनो अवधारब
                  सुख में नै करबै गुमान ।।      आहे......

                  सासु  मंडलि  घर   अंगना  में  औती
                  विनु   अपराधे   जँ   सासु   बिगड़ती
                  आहाँ  धिया  तकरा हँसिकय उरायब
                  उझट नै करबै जुबान ।।       आहें......

                 उचित  बचन  के  अमल  आहाँ  करबै
                 अनुचि  बचन  चित  कखनो  नै  धरबै
                 सबहक     आज्ञाकारी     बनल    रहि
                 देब मंद अधर मुस्कान ।।      आहें......

                 पहिलुक  परसि   प्रभु  भोग  लगायब
                 नित   तुलसी    तर    साँझ   देखायब
                 कुल       कलंक        रीत       मर्यादा
                 रखबै अतेटा ध्यान ।।          आहें.......

                कमलक  फूल  जेकाँ  सासुर  में  रहबै
                घरक   त्रुटि   नै   के   करौ   सं   कहबै
                "रमण"  सुमन   दुःख   कतबौ  पायब
                 सुमिरब आहाँ भगवान ।।     आहें......

                                     गीतकार
                          रेवती रमण झा " रमण "
                          mo -9997313751
                                        

मंगलवार, 1 मई 2018

हम नै कतौ भागै छी यौ - गीतकार - रेवती रमण झा " रमण "

                   || हम नै कतौ भागै छी यौ ||
                                  " गीत "
                                       

लोक लाज दिश ताकू प्रियतम
देखू भ गेल भोर यौ ।
कतेक निहोरा कयने छी
कीय भेलौ अतेक कठोर यौ ।।

अधरामृत मधु पीवी ठोर के
अहाँ सुखयलौ लाली यौ ।
गुप्त भेद संकेत करैया
टूटल कानक बाली यौ ।।

निन्द सँ आँखि में दर्द भरैया
टपकि रहल अछि नोर यौ ।। कतेक....

कामातुर आवेश में परि कय
सगरो गात के तोरि देलौ ।
नवल उरोज सरोज कली दू
निर्दय जेकाँ मडोरि देलौ ।।

प्रीत घटा मन मीत सम्हारु
अपन हृदय हिलकोर यौ ।।  कतेक....

देखू लेभरल आँखिक काजर
फूजि केश छिरिआयल यौ ।
अनुपम कलरव चिडइक चहुँदिश
सुरुजक लालिमा लायल यौ ।।

"रमण" विलासक उचित नै बेला
सारि  मचौलक शोर यौ ।।   कतेक....
           
             गीतकार
  रेवती रमण झा " रमण "