|| मोर वयस नादान यौ ||
गीत
साठी वरष के छथि मोर प्रियतम
मोर वयस नादान यौ |
हमरा सनक अभागलि जग में
दोसर नञि भगवान यौ ||
हमरा सनक ----
बाबू यदि एहन वर लयलनि
कोना पसन्द माय वर कयलनि |
आँखि नोरायले पाथर पसिझल
देखि कय कन्या - दान यौ ||
हमरा सनक ----
जखन साजि कोवर घर गेलौं
हुनका देखि ओतय मुरझयलों |
बाबूक वयस रहैत त की छल
बाबा के कटलनि कान यौ ||
हमरा सनक ----
हँसि कय उठ लनि अंग लगौलनि
अपन प्रेम सबटा दरसौलनि |
"रमण " हुनक आलिङ्गन परसब
बिना सुपारिक पान यौ ||
हमरा सनक ----
रचना कार -
ग्राम - पोस्ट - जोगियारा पतोर
आनन्दपुर , दरभंगा ,मिथिला
मो 09997313751
मो 09997313751
कोई टिप्पणी नहीं:
एक टिप्पणी भेजें