व्याहन एला त्रिपुरारी , हे साजि ।।। गीतकार - रेवती रमण झा "रमण"

                            || नचारी ||
                                   

                 व्याहन एला त्रिपुरारी , हे साजि
                 वर गौरी बेचारी के ।
                 देखि मयना ठोकलनि केवारी
                 हे साजिवर गौरी बेचारी के ।।

                 मंगल कलश लय परिछन अयली
                 देखि परयली चितकारी , हे साजि
                 वर गौरी बेचारी के ।।
                                                   व्याहन....
                 चारु  चिकुर  वर   तापर  सुरसरि
                 भाल  चन्द्र  नव  धारी , हे  साजि
                  वर गौरी बेचारी के ।।
                                                    व्याहन....
                  कर   त्रिशूल   विराजित   डमरू
                  लागै व्याधा मदारी , हे साजि
                  वर गौरी बेचारी के ।।
                                                      व्याहन....
                "रमण" सुमन लय शंभु चरण धरि
                  गहल जगत दुःख हारी , हे साजि
                  वर गौरी बेचारी के ।।
                                                       व्याहन....
                                 
                                गीतकार
                         रेवती रमण झा "रमण"