dahej mukt mithila

(एकमात्र संकल्‍प ध्‍यान मे-मिथिला राज्‍य हो संविधान मे) अप्पन गाम घरक ढंग ,अप्पन रहन - सहन के संग,अप्पन गाम-अप्पन बात में अपनेक सब के स्वागत अछि!अपन गाम -अपन घरअप्पन ज्ञान आ अप्पन संस्कारक सँग किछु कहबाक एकटा छोटछिन प्रयास अछि! हरेक मिथिला वाशी ईहा कहैत अछि... छी मैथिल मिथिला करे शंतान, जत्य रही ओ छी मिथिले धाम, याद रखु बस अप्पन गाम - अप्पन बात ,अप्पन मान " जय मैथिल जय मिथिला धाम" "स्वर्ग सं सुन्दर अपन गाम" E-mail: apangaamghar@gmail.com,madankumarthakur@gmail.com mo-9312460150

AAP SABHI DESH WASHIYO KO SWATANTRAT DIWAS KI HARDIK SHUBH KAMNAE

मंगलवार, 30 अप्रैल 2019

" मउहक गीत " रूचि सं जेमि लीय ।।। गीतकार - रेवती रमण झा "रमण"

                               ।। मउहक ।।
                           रूचि सं जेमि लीय
                                     
                   
                   सुनू    लालन     मोहन    चितचोर
                   रूचि   सं   जेमि   लीय ।।  सुनू...

                   बनल अनोन जे किछु आहाँ पबियौ
                   काल्हि तरि देब व्यंजन तिलकोर ।।
                                                   रूचि सं.....
                   सारि   सरहोजि   चहूँ  दिश  बैसलि
                   ठाढ़ि    सासू    करै   छथि    निहोर
                                                     रूचि सं....
                   दूधक  दाम  माय   पहिने  गनौलनि
                   आब  लटकल  कथी  लय अइ ठोर
                                                   रूचि सं.....
                   अछि,आबो  अभाव  बहिन के बेचू
                   हमरा    भैया   लगा    दीय    जोड़
                                                   रूचि सं.....
                   "रमण" ओझा लाज आबो लगाबू
                    भरि  मिथिला  में   भय  गेल  शोर
                     रूचि      सं       जेमि      लीय ।।
   
                                    गीतकार
                          रेवती रमण झा "रमण"
                          mob - 09997313751


शनिवार, 27 अप्रैल 2019

|| बेदी तरे में आहाँ के निहारि लेने छी || गीतकार - रेवती रमण झा "रमण"

        || बेदी तरे में आहाँ के निहारि लेने छी ||
                                  

            बेदी  तरे  में आहाँ   के  निहारि  लेने छी ।
            हम ने बाजब से मोन में बिचारि लेने छी ।।

            छींट  कुर्ता  ई  कनिको  की ठीक लगैया
            केश  मौगी  सन  बाजू  की  नीक लगैया
            भेष  नटुआ  के  सबटा  उतारि  लेने  छी
            हमनै बाजब.............

           बात  होइया  आहाँक  सब  तोरल  जेकाँ
           मोन  भाँगक  नशा  में  अइ घोरल  जेकाँ
           जेना  लागैया  लाज  के  बहारि  लेने  छी
           हमनै बाजब.............

           आहाँ निरलज्ज छी  ,  लोक हमरा कहत
          "रमण"  दाम्पत्य  जीवन  सुखी  नै  रहत
            ओना  बाबूक केलहा अबधारि  लेने  छी
            हम नै बाजब से मोन में बिचारि  लेने छी 

                                 गीतकार
                      रेवती रमण झा "रमण"
                     फोन - 09997313751
                                     

सोमवार, 15 अप्रैल 2019

|| यौ आब कहू मोन केहन लगैया || गीतकार - रेवती रमण झा "रमण"

             || यौ आब कहू मोन केहन लगैया ||
                                        

    यौ आब कहु मोन केहन लगैया ।।
                   सभक   हिरस   में   अहूँ   गेलौ
                   चुटकी  भरि    सिन्दूर  लगयलौ

                   घोघक  तर  सं  टन-टन  बाजय
                   टीके  पर  चुरा  कुटैया ।। यौ आब....

                   तिरिया जाल देखौलक माया
                   मुसरी  भय  गेल  देखू  काया

                   टिकल अइ जिनगी राम भरोसे
                   के दुःख दर्द सुनैया ।।  यौ आब.....

                   अगला  पिछला    ताना   दैया
                   कियो नै कहलक से से कहैया

                   लोक  लाज  सं चुप्पी  साधल
                   अंगूरी दय बजबैया ।।  यौ आब....

                    कानि कय खप्पर रोज भरैया
                     नव     नव     श्रृंगार    करैया

                    कतय कतय सं यार बनौलक
                    किछु नै पता परैया ।।  यौ आब.....

                    भोर   कलौ   बेरहटिया   बौआ
                    "रमण" चलै मुँह जहिना कौआ

                     मरले  में  नै  जिबैत  में  बैसल
                     उबडुब प्राण करैया ।।  यौ आब.....

                                   गीतकार 

                          रेवती रमण झा "रमण"
    
    
                       

                  

चैतावर "निर्गुण" गीतकार - रेवती रमण झा "रमण"

                      || चैतावर ( निर्गुण )||
                                       
          
              कुसुमित कुंज भेल , मधुमास आबि गेल
              की आहो रामा ,
              कुहु  -  कुहु  कोइली  कुहुकाबै  रे  की ।।
              पात - पात झरि गेल,नव नव पल्लव लेल
              की आहो रामा ,
              सुख   दुःख   जीवन   देखाबै   रे   की ।।
              प्रथमहि  कली  भेल , दोसरहि फूल भेल
              की आहो रामा ,
              तुवि  -  तुवि   एक   अंत  पाबै  रे  की ।।
              मंजरि  चहुँ  दिश  ,  टपकइ  मधु  रस
              की आहो रामा ,
              भूखल   मधुप    के    जेमाबै   रे   की ।।
              सिसकै पवन जोर , पपिहा मचाबै शोर
              की आहो रामा ,
              विरह     वेदन     तड़पाबै     रे     की ।।
              "रमण" जे चैत मास ऋतुराज लेल वास
               की आहो रामा ,
               ऋतु   एक  -  एक   अंत   पाबै   रे   की

                                  गीतकार
                         रेवती रमण झा "रमण"
                                       

          

मंगलवार, 9 अप्रैल 2019

सतीश अर्पित जीक ई सहज समर्पित ।। एक अनुमप कड़ी जुरि गेल ।। रचनाकार - रेवती रमण झा "रमण"

                 || एक अनुपम कड़ी जुरि गेल ||
                                        

                विधाताक  अचल  विधानक  बंधन में
                उदगारक एक अनुपम कड़ी जुरि गेल ।
                अरमानक अट्टालिकाक सुगम तल में
                ईश्वर अनुकम्पाक फुलझरी झरी गेल ।।
              "सतीश अर्पित" जीक ई सहज समर्पित
                सुललित - सितारे मोन झंकृत भ गेल ।
                जेना की  लागल  आबि  एक चितचोर
               "रमण" चित के चुरा कS चट द लय गेल ।।

                                    रचनाकार
                           रेवती रमण झा "रमण"
                
         
     

मंगलवार, 2 अप्रैल 2019

Bदैनिक ब्लाक टाइगर के संवाददाता

सजा भेंटल केहन ।। गीतकार - निशान्त झा "रमण"

                     सजा भेटल केहन प्रीतक
                                      

शेर
तोरि कय दिल हमर आहाँ 
   ककरौ  दिल स नई खेलब    
 ऐ निहोरा  अइ हमर एतबे  
ई  प्रेम के बदनाम नै करब


सजा भेंटल केहन हयै प्रियतम
जे हम बात नै जानि रहल छि ।
लुटा कय अपन चैन - सुख हम
  बाट ककर हम जोहि रहल छि ।।
                              सजा भेंटल केहन .....
बनिकय निष्ठुर हमर दिल दुखयलौ
  मोन  जानि  सकल नञि  कथा के ।
भेल  व्याकुल  आहाँ   के  जतन में
 घुरि   ताकू   यै   हमर  व्यथा  के  ।।

                            सजा भेंटल केहन....
कहू   जाकय   कहब  केकरा   सं
एहि विरह में हम कोना जिबैछि ।
साँस  धक्  धक्  हृदय में चलैया
घूँट नोरक सतत हम पीबै छी ।।
                          सजा भेंटल केहन.....

गीतकार
निशान्त झा "रमण"
        

|| चैतावर || पिया निरमोहिया ।। गीतकार - रेवती रमण झा "रमण"

                               || चैतावर ||
                                         



               मोरा रे आँगनमा  अमुआ के गछिया

               ताहि चढ़ि कुहुकै कोयलिया हो रामा
                                      पिया निरमोहिया ।।
               कबहूँ त बोलै कोइली दिन दुपहरिया
               कबहूँ  बोलै  आधि  रतिया  हो  रामा
                                      पिया निरमोहिया ।।    
               मजरल अमुँआ , फुलाया गेल नेमुँआ
               भमरा  के  जागल  परनमा  हो  रामा  
                                      पिया निरमोहिया ।।
              कथी बिनु सुन लागै अमुँआ के गछिया
              कथी  बिनु  सुन   भवनमाँ  हो   रामा
                                      पिया निरमोहिया ।।  
              कोइली बिनु सुन लागै अमुँआ के गछिया
              पिया  बिनु  सुन  भवनमा , हो  रामा   
                                     पिया निरमोहिया ।। 
              "रमण"  न  भावै  चित  अन धन सोनमा
               बालक  बिनु सुन अंगनमा  हो रामा
                                           पिया निरमोहिया ।।


                                     गीतकार

                           रेवती रमण झा "रमण"