dahej mukt mithila

(एकमात्र संकल्‍प ध्‍यान मे-मिथिला राज्‍य हो संविधान मे) अप्पन गाम घरक ढंग ,अप्पन रहन - सहन के संग,अप्पन गाम-अप्पन बात में अपनेक सब के स्वागत अछि!अपन गाम -अपन घरअप्पन ज्ञान आ अप्पन संस्कारक सँग किछु कहबाक एकटा छोटछिन प्रयास अछि! हरेक मिथिला वाशी ईहा कहैत अछि... छी मैथिल मिथिला करे शंतान, जत्य रही ओ छी मिथिले धाम, याद रखु बस अप्पन गाम - अप्पन बात ,अप्पन मान " जय मैथिल जय मिथिला धाम" "स्वर्ग सं सुन्दर अपन गाम" E-mail: apangaamghar@gmail.com,madankumarthakur@gmail.com mo-9312460150

AAP SABHI DESH WASHIYO KO SWATANTRAT DIWAS KI HARDIK SHUBH KAMNAE

बुधवार, 28 मार्च 2018

हनुमंत - पचीसी - रेवती रमण झा "रमण"

|| हनुमंत - पचीसी || 
ग्रह गोचर सं परेसान त  अहि हनुमंत - पचीसी  के ११ बार पाठ जरूर करि --- 

        हनुमान   वंदना  
शील  नेह  निधि , विद्या   वारिध
             काल  कुचक्र  कहाँ  छी  
मार्तण्ड   तम रिपु  सूचि  सागर
           शत दल  स्वक्ष  अहाँ छी
कुण्डल  कणक , सुशोभित काने
         वर कच  कुंचित अनमोल  
अरुण तिलक  भाल  मुख रंजित
            पाँड़डिए   अधर   कपोल
अतुलित बल, अगणित  गुण  गरिमा
         नीति   विज्ञानक    सागर  
कनक   गदा   भुज   बज्र  विराजय 
           आभा   कोटि  प्रभाकर  
लाल लंगोटा , ललित अछि कटी
          उन्नत   उर    अविकारी  
  वर   बिस   भुज  रावणअहिरावण
         सब    पर भयलहुँ  भारी  
दीन    मलीने    पतित  पुकारल
        अपन  जानि  दुख  हेरल  
"रमण " कथा ब्यथा  के बुझित हूँ
        यौ  कपि  किया अवडेरल
-:-
|| दोहा || 
संकट  शोक  निकंदनहि , दुष्ट दलन हनुमान | 
अविलम्बही दुख  दूर करू ,बीच भॅवर में प्राण ||  
|| छंद || 

जन्में   रावणक   चालि    उदंड | 
यतन  कुटिल   मति छल प्रचंड  || 
बसल जकर चित नित पर नारि   | 
जत शिव पुजल,गेल  जग  हारि  || 
रंग - विरंग   चारु     परकोट   | 
गरिमा   राजमहल   केर   छोट || 
बचन  कठोरे    कहल    भवानी | 
लीखल भाल वृथा  नञि   वाणी  || 
|| चौपाइ || 
रेखा       लखन    जखन    सिय  पार  |
वर        विपदा     केर    टूटल   पहार ||
तीरे     तरकस     वर   धनुषही  हाथ   | 
रने -       वने     व्याकुल     रघुनाथ  || 
मन  मदान्ध   मति  गति सूचि राख  | 
नत   सीतेहि, अनुचित   जूनि   भाष  || 
झामरे -  झुर    नयन   जल  - धार  | 
रचल    केहन   विधि  सीय   लिलार || 
मम   जीवनहि      हे   नाथ    अजूर   | 
नञि    विधि   लिखल   मनोरथ  पुर  || 
पवन    पूत   कपि     नाथे    गोहारि  | 
तोरी     बंदि    लंका    पगु      धारि  || 
रचलक    जेहने     ओहन     कपार  | 
 दसमुख    जीवन     भेल      बेकार  || 
रचि     चतुरानन     सभे     अनुकूल  |
भंग  - अंग  , भेल   डुमरिक   फूल  || 
गालक    जोरगर    करमक    छोट  | 
विपत्ति   काल  संग  नञि  एकगोट || 
हाय   -   हाय    लंका    जरी     गेल  | 
रहलइ      वैह  ,जे    धरमक    भेल  || 
अंजनि    पूत     केशरिक       नंदन  | 
शंकर   सुवन    जगत  दुख   भंजन  || 
अतिमहा     अतिलघु     बहु     रूप  | 
जय    बजरंगी     विकटे    स्वरूप   || 
कोटि     सूर्य    सम    ओज   प्रकाश | 
रोम -  रोम      ग्रह   मंगल     वास  || 
तारावलि     जते     तत     बुधि  ज्ञान |
पूँछे  -  भुजंग      ललित     हनुमान || 
महाकाय        बलमहा       महासुख  | 
महाबाहु       नदमहा       कालमुख  || 
एकानन     कपी    गगन      विहारी  | 
यौ      पंचानन        मंगल      कारी  || 
सप्तानन     कपी    बहु  दुख   मोचन | 
दिव्य   दरश   वर   ब्याकुल   लोचन  || 
रूप     एकादस      बिकटे     विशाल  | 
अहाँ    जतय     के     ठोकत    ताल || 
अगिन     बरुण    यम  इन्द्रहि  जतेक | 
अजर - अमर    वर    देलनि  अनेक ||  
सकल    जानि      हर्षित   सीय    भेल | 
सुदिन    आयल   दुर्दिन    दिन   गेल || 
सपत   गदा   केर   अछि   कपि   राज | 
एहि    निर्वल    केर   करियौ    काज  || 
|| दोहा  ||
जे   जपथि  हनुमंत  पचीसी  
सदय    जोरि  जुग    पाणी  | 
शोक       ताप    संताप   दुख
 दूर   करथि   निज   जानि || 
-;-

 हनुमान जी के आरती  

बजरंगबली         के      आरती 
आइ       उतारू     ध्यान    सँ  | 
नञि  बुझलक दुख  हमर कियो 
जे , आइ   कहब   हनुमान सँ  || 
   बजरंगबली के  -- नञि  बुझलक --
 टरल बिकट वर - वर  पथ -कंटक 
                               दया  दृष्टि  जेहि  देलों  यों  | 
                               रघुनन्दन  दुख  भंजन के दुख 
                               काज सुगम  सँ  कयलौ  यौ  || 
                               जा पताल  अहिरावण मारल 
                                बज्र गदा के वान सँ -
                               बजरंगबली के  -- नञि  बुझलक --
                               लखनक प्राणे , पलटि  आनि कय 
                                राम हीया  हुलसइलौ यौ  | 
                                कालक  गाले  जनक  नंदनी 
                                लंका   जाय   छोरयलौं  यौ  || 
                              जहिना  बीसभुज  के निपटयलों 
                               अपनेही बुधि  बल ज्ञान  सँ || 
                               बजरंगबली के  -- नञि  बुझलक --
                               ज्ञान ध्यान रहि , मृत जीवन सन 
                               संत विभीषन छल नरक तल में  | 
                               लंका के  ओ  राजा  बनि  गेल 
                               अहाँक दया सं एक पल में || 
                              "रमणक " काज  सुतारु  ओहिना 
                               अपन कृपा  वरदान सँ  || 
                               बजरंगबली के  -- नञि  बुझलक --
                                   
रचित -
रेवती रमण झा " रमण "
ग्राम - पोस्ट - जोगियारा पतोर
आनन्दपुर , दरभंगा  ,मिथिला
मो 09997313751

खंडित कनक जड़ित मणिमाला - रेवती रमण झा "रमण"

               || खंडित कनक जड़ित मणिमाला ||

                    खंडित कनक जड़ित मणिमाला ।
                    ओस  बिन्दु  पल्लव  नव राजित
                     घाम    परल      तन     बाला ।।

                    उमरल घटा  चिकुर चहुँ फूजल
                    शशि      ओझल      मदमाते ।।
                    रंजित  अधर  लेपायल  लोचन
                    श्रृंगारक                    संघाते ।।

                    पावि युगल मणि यतने जोगाओल
                    सोई   कलि   कमल   मडोरल ।
                    चंचल चित थिर शुष्क नवल रस
                    उत्तेजित        तन       तोरल ।।

                    कतेक यतन वर अंग सवारल
                    कयल     रूप      सब   भंगे ।
                    कीय मुख लाज सुहागिन सेजहि
                    "रमण"      करु      रसरंगे ।।

                                    रचयिता
                         रेवती रमण झा "रमण"
                                         


                

मंगलवार, 27 मार्च 2018

आयल साजि चैत मधुमास- रेवती रमण झा " रमण "

                ||   आयल साजि चैत मधुमास ||
               
                       आयल साजि चैत मधुमास ।
                       आगत बनि ऋतुराज बसंतहुँ
                       पूरल      कोकिल     आश ।।

                       कुसुमित कुञ्ज विटप मधुआयल
                       अलि - कुल   कर  जेवनारे ।
                       विहग वृन्द कर कोमल कल-रव
                       सीतल       मंद       वयारे ।।

                       बट कचनार अनार फुलायल
                       छिंटल        रंग       अवीरे ।
                       सुमन सुवास विपुल वन राजित
                       पावन        संगम      तीरे ।।

                       आँचर सारि आइ बसुधा भल
                       निज     अजवारल    कोरा ।
                       ऋतुपति हमर पुत्र जे अयला
                       "रमण"   चारु   चितचोरा ।।

                                   रचनाकार
                           रेवती रमण झा " रमण "
                                  





गीत @प्रभात राय भट्ट

नयन खोजए मोर पिया कए
 दुलार कि आजु करबै
हम सोलहो श्रृङ्गार ऎसगर
घर आङन रहि रहि मुह दुसैय
पिया जि के बाट तकैत बैसल छि
 द्वार नैयन खोजए मोर पिया कए
 दुलार कि आजु करबै
हम सोलहो श्रृङ्गार सेज पलङिया
सेहो दैय उलहन उपराग
विरह जिन्दगी क दुख अछी हजार
 नयन खोजए मोर पिया जि कए
दुलार कि आजु करबै
हम सोलहो श्रृङ्गार ऎना कंघि
 टीकुलि सेनुर आर चुरी कङन अछी
पिया जि कए स्न्नेहक इन्तजार
नयन खोजए मोर पिया जि कए
 दुलार कि आजु करबै
हम सोलहो श्रृङ्गार स्वपन देख्लहु
 राती पिया गाबैए पराती भोरुकबा
 किरणया कहि करैय प्यार नयन
 खोजए मोर पिया जि कए
 दुलार कि आजु करबै
हम सोलहो श्रृङ्गार
 छवि सभार :-
Awaaz Gagan Tak
जिके  बालस

रविवार, 25 मार्च 2018

चैत राम नवमी की मंगल शुभकामनाऐ

'' गीत "

चैत   राम   नवमी    के    दिनमा  
कौशल्या  के  राम जनम लियो रे  ।
बाजत     अवध      में     बधाई
कौशल्या के राम जनम  लियो रे  ॥
                      कौशल्या  के  ---
दगरिन  नेग मांगै , जेवर साड़ी
नैरिन     अंधन        बखारी   ।।
                     कौशल्या  के ----
पंडित नेग  मांगे , लगन उचारी
हाथ    अंगूठी     के      धारी   ।।
                      कौशल्या  के  ---
दशरथ  लुटावे   अनधन   सोना
कौशल्या     लुटाबे       साड़ी  ॥ 
                      कौशल्या  के ----
"रमण" मुदित भय गावय खेलौना 
  मंगल    अवध     में    भारी  ॥ 
                       कौशल्या  के ----
रचैता -

रेवती रमण झा " रमण "
ग्राम - पोस्ट - जोगियारा पतोर
आनन्दपुर , दरभंगा  ,मिथिला
मो 09997313751


शुक्रवार, 23 मार्च 2018

सुन्दरि यौवन धन दिन चारि - रेवती रमण झा " रमण "

             

                     सुन्दरि यौवन धन दिन चारि ।
                     यावत तन संचित रस - रंगहुँ
                     तावत      तृषित       मुरारि ।।

                    गोधन गजधन बाजि रतन धन
                    सकल   विदित    जग   जान ।
                    पर यौवन-धन पाय सकल धन
                    तेजहुँ        धुरि         समान ।।

                   यौवन धन लखि कलि मादक मन
                   अलि    -  कुल     कर    सम्माने ।
                   छूछ   पराग     पूछ    नहि   एकहूँ
                   बाद          करहुँ         अनुमाने ।।

                  हे   कामिनि   मद  -  मान  बिसारहुँ
                  लघु       यौवन    -    धन       रुपे ।
                  नमहुँ   पाबि   तरुअर  फल   सुन्दरि
                  निरखहुँ          श्याम        सरूपे  ।।

                  "रमण" सुमन अलि प्रीत जेमाओल
                   कयलहुँ           सरबस          दाने ।
                   ई   यौवन   पुरुषक   थिक    सुन्दरि
                   तो      जनि        करह      गुमाने  ।।

                                     रचयिता
                          रेवती रमण झा " रमण "
                                          


               
  

बुधवार, 21 मार्च 2018

|| चैतावर ||

|| चैतावर || 

चैतक        चमकल       इजोरिया 
बलमू   मोरा    मन   तरसाबै    रे | 
रहि -   रहि     कुहकै    कोयलिया  
बलमु     मोरा     मन  तरसाबै  रे || 
            चैतक  --- बलमु --
फुलवन में भँवरा ,करै रंगरेलिया  |
लायल      वसन्तो      बहुरिया   ||
बलमू       मोरा    मन  तरसाबै   रे
                  चैतक  --- बलमु --

पियु -पियु पपिहा ,करै अधिरतिया |
लिखल       सनेहक         पतिया  | |
बलमू      मोरा      मन   तरसाबै   रे
                       चैतक  --- बलमु --
नेमुआँ  फुलायल , अमुआँ  मजरल |
फ़ुलल         जूही          चमेलिया   ||
बलमू       मोरा       मन   तरसाबै   रे
                        चैतक  --- बलमु --
"रमण " पथिक ,पथ प्राण पियासल |
गोड़ियाक    छलकल     गगाड़िया  ||
बलमू       मोरा      मन  तरसाबै   रे
  चैतक  --- बलमु --
लेखक -
रेवती रमण  झा "रमण "





सोमवार, 12 मार्च 2018

"गौरवशाली इतिहास आओर पिछड़ल वर्तमान"

"गौरवशाली इतिहास आओर पिछड़ल वर्तमान"
        गौरवशाली इतिहास आओर पिछड़ल वर्तमान एहि दू शब्दसँ, मिथिलाक परिचय देल जा सकैत अछि । इतिहाससँ वर्तमानक दूरि तय करबाक क्रममे जाहि दू परस्पर विरोधी शब्दक प्रयोग करबाक लेल बाध्य भेलौं अछि, एहिके वेदना बुझल जेबाक चाही, नञि कि पटकथाके रोमांच करबाक प्रयास ।

     प्राचीन कालहिंसँ मिथिला अपन विशिष्टताके संग अलग जगह बनौने अछि । आन सभ्यता-संस्कृतियों एकर स्वीकारोक्ति करैत छथि, किन्तु योग्यतानुरूप मिथिलाके यथोचित प्रशस्ति देबामे कंजुसी सेहो करैत छथि ।
          मिथिलाक उल्लेख रामायण कथामे सेहो अबैत अछि । भगवान श्रीरामके सासुर व माता जानकीक नैहरके रूपमे मिथिलाक परिचय देल गेल अछि, जे कि तथ्यक एक पहलु मात्र अछि । वस्तुतः ई मिथिलाक पावन भूमिके श्रेष्ठताक प्रमाण अछि कि स्वयं जगतजननी जानकी एहि पवित्र माइटसँ जन्म लेलनि । माँ मैथिलीक महानता व मिथिलाक बेटीक पवित्रता तS देखल जाऊ कि जाहि शिव धनुषके पैघ सँ पैघ बलशाली राजा हिला-डोला नञि सकलाह, ओहि शिव धनुषकें सीता बामा हाथसँ उठाके नित्य अड़िपन लगाबैत छलीह ।
          भगवान श्रीरामकें मर्यादा पुरूषोत्तम कहल गेल छनि । परन्तु विचारणीय अछि कि - 'मर्यादा पुरूषोत्तम श्रीराम' बनेबामे भगवती सीता मैय्याके कतेक योगदान छलन्हि ? हमरा बुझने ई मिथिलापुत्री जानकी केर पवित्रता, सहनशीलता, धर्मपरायणता एवं पतिव्रता छलन्हि जे हिनक पतिक प्रत्येक निर्णयके, बिना किछु स्वयंके विषयमे सोचने कार्यान्वित कयलनि ।
           मिथिलाक बेटीक त्याग व एक पत्नीके रूपमे देल गेल स्वयं केर बलिदानके इतिहास गौण कS देलक आओर श्री राम, मर्यादा पुरूषोत्तम श्रीराम भS गेलथि । ई मिथिलाक माटिक उर्वरता अछि जे अपन बेटीमे पवित्रता, धर्मपरायणता व आदर्शकें बीजारोपण करैत आबि रहल अछि । दुनिया आइ नारीवादके संकल्पना कS रहल अछि मुदा हमरा लोकनिक सदातनीसँ "यत्र नार्यस्तु पूज्यन्ते, रमन्ते तत्र देवता" केर सम्पोषक रहलौं अछि । कोनो प्रकारक उत्सव-महोत्सवक सुअवसर पर आयोजनक शुभारम्भ गोसाऊनिक गीत "जय-जय भैरवि असुर भयाउनि" सँ करैत छी । भारती, मंडन मिश्रजीक पत्नी जे शंकराचार्यके शास्त्रार्थमे हरौलनि, एक उदाहरण छथि मिथिलाक नारी शक्ति आओर सम्मानके ।
             वर्तमान समयमे इंटरनेटके सुलभ संसारमे विवाह संबंधी "मेट्रोमोनियल साइट्स" केर अवधारणा आयल । जाहिसँ समाज लाभान्वित होइत आबि रहल अछि । परन्तु मिथिलाक लेल गौरवक विषय थिक जे मिथिलामे एहि प्रकारक व्यवस्था सैकड़ों वर्षसँ चलि आबि रहल अछि । उदाहरण स्वरूप मैथिल ब्राह्मणक विवाहक ऐतिहासिक विवाह-स्थली सौराठक चर्चा करब । सौराठमे प्रत्येक वर्ष सुधक समय विवाह योग्य पुरूषके सभा आयोजित कयल जाइत अछि । आई आनुवंशकीय प्रोद्यौगिकीमे समजातीय, वंश-परम्पराक कुलक जिन्ससँ उत्कृष्ट संततिके प्राप्त कयल जाइत अछि जकरा मिथिलाक पंजी व्यवस्थामे पंजीकार एहि तकनीककें कार्यान्वित करैत छथि एवं सिद्धान्त लिखबासँ पूर्व वर एवं कन्या पक्षक सात-सात पीढ़ीक मूल-गोत्रक अन्वेषण करैत छथि ।
          मध्यकालीन भारतमे जखन लगभग सम्पूर्ण भारत मुस्लिम प्रभावसँ प्रभावित छल एवं संस्कृत साहित्य संकटमे छल, ताहि समय मिथिलाक भूमिका ब्राह्मण संस्कृत साहित्य आओर संस्कारकें संरक्षित करैत संरक्षण व संवहन कयलक जे कि आधुनिक काल धरि चलि आबि रहल अछि । स्वo गंगानाथ झाजीके साहित्यिक योगदानक लेल ब्रिटिश सरकार हिनका "सर" उपाधिसँ विभूषित कयलक ।
          आजादीक बादक दशकमे मिथिला अपन गौरवशाली विरासतकें आगाँ बढ़ेवामे पिछड़ैत गेल । विद्वता, ज्ञान-विज्ञान, कला-साहित्य व संस्कृतिक लेल शिखरस्थ पर आरूढ़ मिथिला, वर्तमान समयमे गरीबी, अशिक्षा, दहेज प्रथा आदि अनेकों प्रकारक सामाजिक दोषसँ ग्रसित अछि । हमरा लोकनिक आयोजन-उत्सवक विशेष अवसर पर किंवा ओन्हायतहुँ गाबि लैत छी "स्वर्गसँ सुन्दर मिथिलाधाम......" किन्तु एहि स्वर्गमे एतेक दोष कतS सँ आबि गेल तथा एहि दोष सभसँ कोन प्रकारें मुक्त भेल जेबाक चाही से बेशी महत्वपूर्ण अछि ।
           एक बहुसंख्यक आबादी पृथक मिथिला राज्यक निर्माणकें सभ समस्याक समाधान मानैत छथि आओर कऐक वर्षसँ एहि दिशामे प्रयासरत् सेहो छथि । प्रबुद्ध पाठकगणकें जानकारी हेतैन जे भाषायी आधार पर राज्यक निर्माण हेतु १९५६ ई. मे "राज्य पुनर्गठन आयोग" केर स्थापना भेल । मैथिली भाषाके आधार पर मिथिला राज्य निर्माण हेतु ज्ञापण देल गेल, परन्तु अत्यधिक वेदनाक संग लिखS पड़ि रहल अछि जे "राज्य पुनर्गठन आयोग" मिथिला राज्य हेतु अनुशंसा तS दूर, एहि पर विचार तक नञि कयलक ।
         मैथिली आन्दोलन शक्तिविहीन अछि एहि यथार्थकें स्वीकार करहिं पड़त । बहुवर्गीय विशाल जनसमुदाय रहलाक बावजुदो मैथिली आन्दोलन तथाकथित स्वयंभू ब्राह्मण व कर्ण कायस्थसँ पृथक वर्गके अपनामे नञि जोड़ि पाबि सकला अछि । हलाँकि मिथिलाक विद्या-विभूतिसँ सजल विद्वतजन् द्वारा कयल गेल साहित्यिक कार्यक बलें, मैथिलीके एक भाषाक रूपमे सम्मान भेटल अछि । १९६५ ई.मे साहित्य अकादमीमे सम्मिलित भेनाई एवं २००३ ई.मे संविधानक अष्टम् अनुसूचिमे सम्मिलित भेनाई पैघ उपलब्धि अछि किन्तु एहिसँ आगाँ मिथिला-मैथिलीक लेल किछु नञि भS सकल अछि । एहिसँ बेशीक कल्पना, कल्पने धरि सीमित रहत, जावत् धरि सभ वर्गक सामुहिक सहभागिता नियोजित नञि होयत ।
           जहिना मिथिलाके ब्राह्मण केवल मैथिल ब्राह्मणक रूपमे परिचित होइत छथि, तहिना आनो वर्ग यथा यादव 'मैथिल यादव', कोयरी 'मैथिल कोयरी', दुसाध 'मैथिल दुसाध', चमार 'मैथिल चमार' वा मुस्लिम 'मैथिल मुस्लिम' आदि केर रूपमे अनिवार्यतः जानल जेबाक चाही संगहि एहि परिचयसँ गर्वक अनुभव करथि, तखनहिं मिथिला व मैथिलीक व्यापक लक्ष्य प्राप्त करायल जा सकैत अछि ।
         एकटा आओर समस्या अछि । जेनां कि मैथिलजन बहुतायत रूपसँ प्रायः महत्वाकांक्षी होइत छथि संगहि अहंकारी सेहो । आपसी संबंधमे मेल-मिलाप नञि रहबाक कारणें, बहुधा देखल जा रहल अछि जे देश भरिमे हजारों मैथिल संगठन भेलाक बावजुदहुँ, सामुहिक प्रयासक बलें मिथिलाक सर्वांगीण विकासक अवधारणा स्वप्नवते अछि । आवश्यकता आकांक्षित अछि किछु निःस्वार्थ व वियोगी व्यक्तिक नेतृत्वक ।
           महत्वपूर्ण तथ्यके अपने लोकनिक समक्ष प्रस्तुत करैत निवेदन करब जे मिथिला, एक प्रदेश, एक संस्कृति, एक विरासत केर रूपमे भलेहि पिछड़ि रहल अछि मुदा मैथिलजन लाखोंक संख्यामे अपन व्यक्तिगत क्षमतामे बहुत विद्वान, गुणवान, धनवान एवं सभ प्रकारक सामर्थ्यसँ सामर्थ्यवान छथि । जँ सभ कियो आपसी मतान्तरकें बिसरि एकत्रित भS जाइथ, रंचमात्रहुँ संदेह नञि जे मिथिलाक भाग्योदय निश्चित रूपें होयत ।
            मिथिला व मैथिलीक विषय एतेक व्यापक अछि जे लिखनाई कठिन अछि । समय व स्थान कम्म पड़ि जायत । सारांशतः इएह कहब जे जतय साँझ पड़ितहिं घर-आँगनमे दीया-बाती होइत भगवतीक गीत "जगदम्बा घरमे दीयरा बारि एलौं हे ....." सँ नभ गुंजयमान भS जाइत छल, आई एक शांत अन्हारक अन्हरगुप्पीसँ ग्रसित अछि । दिया-बाती तS एखनहुँ होइत अछि मुदा टेमीक लौ मद्धिम भS गेल अछि जकर स्वरूप अन्हार, कारी, घनघोर स्याह रूपमे परिवर्तित भयावह रूप लक्षित भS रहल अछि । राति बढ़ल जा रहल अछि बस एक उम्मीद अछि राति जतेक बढ़ैत अछि, भोर ततबे लSग भेल जा रहल अछि । इत्यलम् । जय श्री हरि ।



श्री राज कुमार झा जीक कलम सँ
सौजन्यसं 
संजीब झा.
मधुबनी मिथिला.
१२-०३-२०१८.

रविवार, 11 मार्च 2018

दीपहुँ देल जगाय - रेवती रमण झा "रमण"

                     ||   दीपहुँ देल जगाय  ||

                 निन्दक सुतल जगाओल सजनी के
                 दीपहुँ देल जगाय  ।
                 पहिलुक पहुँक समागम सजनी गे
                 जे सुख कहलो ने जाय  ।।

                 मोर कमल कलि कुलिसहि सजनी गे
                 कर दुहू धयल उरोज ।
                 ताहि तर ताहि मडोरल सजनी गे
                 नव अधखिलित सरोज  ।।

                 पल्लव चारि एक भेल सजनी गे
                 लपटल चारि भुजंग  ।
                 दुहुँ प्रतिबिम्ब दुहू पर सजनी गे
                 दुइ मिलि भेल एक अंग  ।।

                 सोलह चढल बढ़ल मद सजनी गे
                 सोलह छल श्रृंगार  ।
                 सात स्वर्ग सुख अपवर्गक अछि
                 "रमण" सुमन अलि सार  ।।

                                रचनाकार
                       रेवती रमण झा "रमण"
                

गुरुवार, 8 मार्च 2018

मिथिलाक्षर अभियान


http://www.maithilifonts.in/suryalakshmi-maithili-font.html

अहि लिंक में मैथिलि फ़ॉन्ट अच्छी डोनलोड  करू  

सिखू  आ  लिखू और दोसरो  के बताओ ,
जेना हिंदी फ़ॉन्ट कुर्ती देव ०१० अच्छी , ओहिना इहो अच्छी , 

https://chat.whatsapp.com/invite/I8IMTrsnJpbBQYYipcDfZI


https://www.facebook.com/m.mishra2010/

जय मैथिल, जय मिथिला 

स्त्री दिवसक कामना

  स्त्री दिवसक  कामना 



































मनीष झा बौआभाइ


बहिन!
तोहर भाग्योदय
कोनो मनुक्खक हाथ नहि
तोरा अपनहि हाथक रेघा मे दकचल छह
नहि खटबह त' पेट कोना भरतह
माँटि कोड़ि खेबह सेहो सामर्थ्य कहाँ देने छथुन भगवान
जकरा तोरा आउर पँचबर्खा विधाता बुझलह
से फेर सँ किछु फुसिये गछि गेलह
जे गछैत रहल छह तोहर सासु-ससुर आ स्वामी केँ
तोरो चाउर-गहूम आ मटिया तेल सँ बेसी बेगरते कोन छह
अपन मजूरीक जोगाएल रुपैया सँ
दुर्गापूजा आ ईद मे नबका लत्ता पहिरबाक सौख सेहो पूर भइए' जाइत हेतह
तोहर मजूरी करब आब नहि अखरैत अछि
आ ने हृदय द्रवित होइत अछि तोहर माँथ पर चेकल पजेबा उघाइत देखि
बोल-भरोस देनिहार सेहो बेसी तेहने भेटतह
जे अपनहि अखादारुण पेट भरबा लै ततेक अपसियांत रहैछ
जे बिर्त रहैत छह तोहर घेंट कटबा लै,पेट कटबा लै
अभिमान होइत अछि तोहर ओहि स्त्रीत्व पर
जे गिद्ध सँ मासु नोचेबाक दोकान सँ अनभिज्ञ
स्वाभिमानक पसेना सँ सानल
बालु-गिट्टी-सीमेंट मिश्रित मसल्ला केँ तगाड़ नेने
महलक-महल चढ़ि जाइछ ओएह सीढ़ी
जे सीढ़ी कहियो अगिलग्गीक समय प्रयोग हेतैक
अन्यथा लिफ्ट महत्त्वहीन भ' जेतैक
सभ किछु सामान्य रहलाक बादो
एक बेर मोन फेर सशंकित भ' जाइत अछि,
कोरामे स्तनपान करैत तोहर बुचिया
इसकूलक मूँह देखतै आ कि
तोरे सन सासु-ससुर-स्वामी आ गिरहतक हाथे..

बुधवार, 7 मार्च 2018

जय कुलबोरनि माता रचयिता - रेवती रमण झा " रमण "

                    || जय कुलबोरनि माता ||
                       

जय - जय माया, जय कुल तारनि
जय          कुलबोरनि       माता ।
शान्ति    कुटीर  करु  पावन  अम्बे
हे    कलि     पूज्य      विधाता  ।।

कट - कट दसन अधर पट - पट कर
 टप     -    टप         पिपनी     नोरे ।
थर - थर   गात   अरुण   दुह्ँ  लोचन
 बचन           श्रवित          इनहोरे ।।

वासर   -   रैन   चैन    नहि   कहियो
नित      दिन        नाचथि        नंगे ।
गावथि  हंसथि  बिलसि मुख मोदित
 रुदन           बिकट           बहुरंगे ।।

भाग्य   रेख   वर  पावि,  तोहि  निज
 सोई       आखर      मोहि       मेंटू ।
 "रमण"    प्रणाम    प्रथम   हे नागिन
  भाभट            अपन         समेंटु ।।

रचयिता
रेवती रमण झा " रमण"

शुक्रवार, 2 मार्च 2018

#बुरा_न_मानो_होली_है

#बुरा_न_मानो_होली_है
#धर्मनिरपेक्षता #व्यंग्य
आप सब को होली मुबारक । हम होली कि हार्दिक शुभकामनाएं नहीँ देते क्योंकि हमें सेक्यूलर नामक कीड़े ने काट लिया है । ये अंधभक्त, कट्टर हिन्दू, संघी मानसिकता ,ब्राह्मणवादी मानसिकता वाले लोग इस देश मे अमन शांति नहीं रहने देना चाहते । ये देश जय भीम जय मीम का है । मूलनिवासियों की जय हो । यहाँ गंगा -यमुना बहती हैं । मुझे आज तक समझ नहीं आया कि यमुना उनकी कैसी हो गयी । यमुना तो यम की बहन है । हमारे यहाँ आज भी भाई -,दूज में बहने गाती हैं जेना यमुना पूजलकै यम के ओना हम पूजै छी अपना भाई के ।
आज सुबह से ये सोच सोच के मैं परेशान हूँ कि आज जुम्मा है हमारे शांतिदूत भाई लोग कैसे नमाज़ पढ़ेंगे। मीलॉर्ड को आज होली मनाने पर रोक लगा देना चाहिए था ।कहीं कट्टर हिन्दुओ ने रंग अबीर लगा दिया तो माहौल खराब हो जायेगा। हर जुम्मे को कितना भी जरूरी काम क्यों न हो हमारे शांतिदूत भाई भारत मे अमन एवं शांति और इज़राइल की बर्बादी के लिए अल्लाह ताला से  दुआ मांगते हैं । सरकार को चाहिये कि देश की तरक्की एवं अमन शांति की दुआ करने वाले इन शांतिदूत भाइयों को हर रोज नमाज़ पढ़ने की इजाजत दी जाये । हमारा क्या है तो मने मने हनुमान चालीसा पढ़ लेते हैं ।
      ये संघी लोग कितना भी बोले हम तो  शांतिदूत भाइयों को देखते ही सलाम वालेकुम बोल देते है । पता नही किस भाई का कनेक्शन आई एस आई एस से हो और हमें ऊपर पहुंचा दे । हमारे धर्मनिरपेक्ष हिन्दू भाईयों ने  अपने भाई को कभी भाई न बोला हो लेकिन शांतिदूतों के नाम के आगे जरूर भाई लगाते है जैसे सलमान भाई.....
 सुने है यू पी में नमाज़ का वक़्त बदलना पड़ा बेचारे शांतिदूतों को । नमाजवादी सरकार रहती तो होली का दिन बदलना पड़ता ☺️
मोदी-योगी हाय हाय
नारा ए तदबीर अल्लाह हो अकबर
#हैप्पीहोली
Prakash Kumar