dahej mukt mithila

(एकमात्र संकल्‍प ध्‍यान मे-मिथिला राज्‍य हो संविधान मे) अप्पन गाम घरक ढंग ,अप्पन रहन - सहन के संग,अप्पन गाम-अप्पन बात में अपनेक सब के स्वागत अछि!अपन गाम -अपन घरअप्पन ज्ञान आ अप्पन संस्कारक सँग किछु कहबाक एकटा छोटछिन प्रयास अछि! हरेक मिथिला वाशी ईहा कहैत अछि... छी मैथिल मिथिला करे शंतान, जत्य रही ओ छी मिथिले धाम, याद रखु बस अप्पन गाम - अप्पन बात ,अप्पन मान " जय मैथिल जय मिथिला धाम" "स्वर्ग सं सुन्दर अपन गाम" E-mail: apangaamghar@gmail.com,madankumarthakur@gmail.com mo-9312460150

AAP SABHI DESH WASHIYO KO SWATANTRAT DIWAS KI HARDIK SHUBH KAMNAE

मंगलवार, 28 मई 2019

सोहर गीत ।। आयल बसंत मधुमास ।। गीतकार - रेवती रमण झा "रमण"

                               || सोहर ||
                                       

                                       
                    आयल    बसंत      मधुमास
                    कि   कुसुम    फुलायल   रे ।
                    ललना रे पसरल चहुँ मकरंद 
                    कि  गंध   छिरिआयल  रे ।।

                    सुतल  पलंग   भय  छत्तिस
                    तिरसठि   कंत    भेल   रे ।
                    ललना रे मधुप करै अटखेल
                    मदन    मन    जागल   रे ।।
                                                 आयल....
                    बढ़ि  गेल   दुहुँ    दिश  प्रेम
                    उमड़ि   गेल    बादल   रे ।
                    ललना  झरल स्वाति बुन्द
                    सगरो  तन  सिहरल   रे ।।
                                                आयल.....
                     दिन दिन  बढ़ल टिकुलवा
                     कि झुकि  गेल पल्लव रे ।
                     ललना रे भेल असहतनभार
                     कि चित करय अवतव रे ।।
                                                 आयल....
                     दूर भेल  दुःख  दारुण सन
                     वेदन   अगिन    सन    रे ।
                     ललना  सुन यशोदाक भवन
                     उगल चारु  चान सन रे ।।
                                                 आयल.....
                     उगइत माधक किरण सन
                     जेठक   पवन    सन   रे ।
                     ललना मिथिला जलक तल सं
                     कि फुलला कमल सन रे ।।
                                                 आयल.....
                     व्यासक वेदक  बचन सन
                     गंगा  केर   जल  सन  रे ।
                    "रमण"धन धन पाओल पूत्र
                      कि लालन ललित सन रे ।।
                                                 आयल......

                                   गीतकार
                          रेवती रमण झा "रमण"
         

       

  
  

शनिवार, 25 मई 2019

तड़पकर मरते दीवाने ।। गीतकार - रेवती रमण झा "रमण"

                           || कव्वाली ||
                       तड़प कर मरते दीवाने




अजब ए प्यार की नगरी , का किस्सा क्या सुनाना है
तड़प  कर  मरते  दीवाने , ऐसा  दिल  लगाना  है ।।

बड़े जोखिम उठा के वो ,सदा छुप - छुप के मिलते है
कभी काँटो पे  चलते है , कभी  शोलो में जलते है ।।

उसी में रूठ जब जाती , तो फिर उसको मनाना है ।।
                                                           अजब.....
सदा  शूली  पे  चढ़के  वो   ,  सभी  वादे  निभाते  है
कभी दिल को जलाते है  , कभी मरहम लगाते है ।।

जालिम  बेवफाओ  का  करतब  क्या  सुनाना है ।।
                                                          अजब.....
कुछ तो  लोग  ऐसे  है  , जो  खाते  है , खिलाते है
कभी इससे ,  कभी उससे  , हमेशा दिल लगाते है

काम ऐसे आशिक  का  ,  हमेशा  दिल जलाना है
                                                                अजब...
होता कोई  लाखो में  ,  जो सच्चा  प्यार करता है
जिसे देता वो अपना दिल , उसी पे आहे भरता है

उसके जी से जा पूछो , लुटा जिसका खजाना है
                                                     अजब......

गीतकार
रेवती रमण झा "रमण"








                                                                                                
                                       

मंगलवार, 21 मई 2019

|| बारह मासा गीत || गीतकार - रेवती रमण झा "रमण"

                      || बारह मासा गीत ||
                                     

कमल  मुख  कहि  गेल  छथि
नित  नयन   हेरल   कंत  यौ ।
कि  भेला  विसभोर  प्रियतम 
की  भेलथि   पियू   संत  यौ ।।

चैत  सखी  मधुमास  आयल
बाग   भेल     गुलजार   यौ ।
फुलल  चम्पा    जूही  चमेली
फुलल  फुल  कचनार  यौ ।।

कोयल कल रब कुहुकि कुँजन
करत   चहुँदिशि    शोर   यौ ।
पियू  कहाँ कहि रहल  पपिहा
 बितल  चैत    घनघोर   यौ ।।

सूखल   कूप तलाब   सूखल
 बैसाक   भेल     उदंड   यौ ।
गिरीऊर नभ   में उगल छथि
सूर्य   आइ    प्रचण्ड   यौ ।।

जेठ   उतरल   गगन   बदरा
बरसि  गेल   जलधार  यौ ।
तृषित   अंग   भेल  शीतल
बहय   मन्द   बयार   यौ ।।

पाल पाकल आम भरखरि
आयल मास  आषाढ़ यौ ।
ई  संताप   कतेक   खेपब
    जीवन अछि भेल भार यौ ।।

उमरि बदरा बरसि रिमिझिम
साओन  भादब   बुन्द  यौ ।
बादल करिया राति अन्हरिया
     एकसरि होयत कोना निन्द यौ ।।

झिंगुर झन झन बाजत दादुर
बिजुरी  चमकत  जोर   यौ ।
देखि घन  मन  मगन नाचत
सकल   सुन्दर   मोर   यौ ।।

आसिन आस लगाय बैसल
कंत सभक घर आयल यौ ।
आसो ने  पूरल  पहु बेदरदी
कली उठल मुरझायल यौ ।।

   कार्तिक कंतक कुशल पवितहुँ
    उठल  मन    में    विरोग   यौ ।
    ने  दोष  हुनकर  आ  ने  दैबक
    लीखल   अपन    भोग   यौ ।।

    मन ने भावय  कंत  विनु कछु
   कहब  किनका  ई  दर्द  यौ ।
      जाय किछु हम हुनका कहितहुँ
     जँ   रहितहुँ   हम   मर्द   यौ ।।

  मास  अगहन   कुटथि  चूड़ा
 साजि   सुन्दरि    अंग   यौ ।
  आइ लक्ष्मी हँसथि खल खल
 देखू   सबहक    संग   यौ ।।

 परल   पूस    कुहेस    पाला
 आयल   मास   दुर्दिन   यौ ।
सीरक  तोसक  ऊनी  चादर
माघ   मासक   दिन   यौ ।।

गावत  फाग    राग   पंचम
उरत    रंग    अवीर   यौ ।
बाजत ढोल मृदंग चहुँदिस
गुंजत  डंफ  मजीर  यौ ।।

"रमण"  सजनी  धीर धरु
पुनि आयत ऋतु बसंत यौ
चलू सुहागिन  सेज साजु
आइ  अयता  कंत  यौ ।।


                                    गीतकार
    रेवती रमण झा "रमण"
                                                
                


                        


                       


                       


                        





                                


  

शनिवार, 11 मई 2019

सीता जनम वियोगे गेल ।। गीतकार - रेवती रमण झा "रमण"

            ||    सीता     जनम    वियोगे    गेल   ||
                                     



                 सीता     जनम    वियोगे    गेल ।
                 दुख छोरि, सुख कहियो नै भेल ।।
                                                सीता जनम...
                 शिव धनु विचलित पाबि जनक
                 वसुधा     बेटी     के    जानल
                 ओहि आदि शक्त्ति के कैल नमन
                 मिथिलाक धिया के पहचानल

                 प्रण जनक लेल धनु भंग सबल

                 सब, हीय हर्सित भय गेल  ।।
                                              सीता जनम...
                 चौदह  वरस  राम  वन  गवनहुँ
                 संगहि     जनक      दुलारी
                 दुखक  बादल वरसि गेल  चहुँ
                 विपति    अयोध्या     भारी

                 काल चक्र अखनो नै छोरलक

                 रावण सीता हरि लेल  ।।
                                              सीता जनम...
                 वन अशोक शोक बिच सीता
                 जीवितहि  बुझू मरि  गेल
                 पुरुषोत्तम पिया पाबि धनुधर्र
                 विपति   थोर   नै    भेल

                 सुख वारिध दुहुँ कमल नयन सं

                अश्रु  बिन्दु  बहिगेल  ।।
                                             सीता जनम...   
                सीता  जखन   एली  लंका  सं  
                तखनहुँ   काल   नै   गेल  
                गर्भावती    सती   सीता    पर  
                वर  अनुचित   सन  भेल

                फाटल वसुधा सीया समयली

                "रमण" जनम जरि गेल  ।।
                                            सीता जनम...

                                गीतकार

                      रेवती रमण झा "रमण"
                     Mob - 09997313751

गुरुवार, 9 मई 2019

यौ , मधुमेह बाबू , आहाँ छी महान । । गीतकार - रेवती रमण झा "रमण"

          || बूढ़ हमरा बना, आहाँ भैलो जवान ||
             
             यौ , मधुमेह बाबू , आहाँ छी महान ।
             बूढ़ हमरा बना , आहाँ भेलौं जवान ।।

            धीरे - धीरे सभतरि पसारि लेलौ माया
            जकरा लग बैस गेलौ , जरि गेलौ काया

           हँसलौ  आहाँ , हमर  गेल  मुस्कान ।
           यौ , मधुमेह बाबू , आहाँ छी महान । ।

           दयादृष्टि    आहाँक , हम    जिबै     छी
           काया   निचोड़ि  हमर  खून  पिबै   छी

           टुकुर  टुकुर  ताकि  हम  बैसल दलान ।
            यौ , मधुमेह बाबू , आहाँ छी महान । ।   

           रहै  छी  अजूरे  हम , आहाँ  जुराई  छी
           सोझाँ में सब किछु , किछु नै खाई छी

          गेल पावनि तिहारक मधुर पकवान ।
          यौ , मधुमेह बाबू , आहाँ छी महान । ।

         तेजि देलक सब , आहाँ छोरि कय नै गेलौ
         "रमण"  सं  अहि  एक  प्रीत  लगय  लौ

          हमर   एहि   पिरितिया   में   गेलै   परान ।
          यौ , मधुमेह बाबू , आहाँ छी महान । ।

                           
                                गीतकार 
                     रेवती रमण झा "रमण"
                                    

सोमवार, 6 मई 2019

|| चल गे बहिना तोरे कहबौ || गीतकार - रेवती रमण झा "रमण"

              || चल  गे  बहिना  तोरे  कहबौ ||
                                  


                    केकरा   कहबै   के   पतिएतै
                    हमर दिल के बात ।
                    चल  गे  बहिना  तोरे  कहबौ
                    नहाइलय नदी कात ।।

                    धरय लगला हाथ कि चटदय
                    आँचर तर नुकयलौ ।
                    तखन उठ्यलनि कोर छिहुलि हम
                    कोठी तर परयलौ ।।

                     एतबहि में भरि कोर उठौलनि
                     सुनलनि एकौ नै बात ।
                     चल गै बहिना तोरे.............

                     कामातुर  आवेश  में  परि कय
                     सगरो गात के तोरि देलैन ।
                     नवल  उरोज  सरोज  कली दू
                     निर्दय जेकाँ मड़ोरि देलैन ।।

                     धक् धक् करय करेजा तेहिखन
                     थर - थर काँपय गात ।
                     चल गै बहिना तोरे...............

                    अधरामृत  मधु   पिवि  ठोर  के
                    सब सुखयलनि लाली गै ।
                    दूनू      हाथक     चूड़ी    फुटल
                    टूटल कानक बाली गै ।।

                    एक  बुन्द  लय   तरसल  धरती
                    पर भेलै बरसात ।
                    चल गै बहिना तोरे..............

                    कतेक निहोरा विनती कयलहुँ
                    पिया एक नै मानल गै ।
                  "रमण" चतुर्थीक राति एहन छल
                    अपने टा जिद ठानल गै ।।

                     रातुक  गेल  निकललौ  घर सं
                     भेलै जखन परात ।
                     चल  गै  बहिना   तोरे  कहबौ
                     नहाइलय नदी कात ।।

                                  गीतकार
                        रेवती रमण झा "रमण"
                       mob - 09997313751