dahej mukt mithila

(एकमात्र संकल्‍प ध्‍यान मे-मिथिला राज्‍य हो संविधान मे) अप्पन गाम घरक ढंग ,अप्पन रहन - सहन के संग,अप्पन गाम-अप्पन बात में अपनेक सब के स्वागत अछि!अपन गाम -अपन घरअप्पन ज्ञान आ अप्पन संस्कारक सँग किछु कहबाक एकटा छोटछिन प्रयास अछि! हरेक मिथिला वाशी ईहा कहैत अछि... छी मैथिल मिथिला करे शंतान, जत्य रही ओ छी मिथिले धाम, याद रखु बस अप्पन गाम - अप्पन बात ,अप्पन मान " जय मैथिल जय मिथिला धाम" "स्वर्ग सं सुन्दर अपन गाम" E-mail: apangaamghar@gmail.com,madankumarthakur@gmail.com mo-9312460150

AAP SABHI DESH WASHIYO KO SWATANTRAT DIWAS KI HARDIK SHUBH KAMNAE

गुरुवार, 26 अप्रैल 2018

तोहर बाजब वर अनमोल - गीतकार - रेवती रमण झा " रमण "

                        
                                  || गीत||                     
              || तोहर बाजब वर अनमोल ||

  लड़का -        तोहर  बाजब  वर  अनमोल
                      अनमन कोयली सनके बोल
                       गै   तोहर   की  ? नाम  छौ   ।।

 लड़की -         हम छी  नदिया  के हिलकोर
                      हमर  अइ कतौ ओर  ने छोर    
                      कि चन्दा  नाम अइ ।।  कि चन्दा...... 

   लड़का -       चुपके  सं  निकलै  छै  घर सं 
                      घेला     काँख     दबाक    गे
                      साँझ   प्रात   तू  पैर  रोपै  छै 
                      पोखरिक   भीरे   जा कय  गे
           
                      देतौ   के पानिक तोहर  मोल
                      गंगा    की    हेती    अनमोल  
                      तोहर की ?  नाम छौ ।।   तोहर......         

                      उल्टा   आँचर   उल्टा   पाटी 
                      उलट  पलट  तोर  बाजब  गे
                      ई   हमरा   वर  नीक  लगैया 
                      नव   नव  तोहर   साजब  गे
        
                     खन - खन चुड़िक मधुर बोल
                     खोलौ   सबटा    तोहर   पोल 
                     गे तोहर की ? नाम छौ ।।  तोहर.....

                    चिड़इक  पाँखि  सनक  चंचल
                    ई     तोहर     दुनु     नैना     गे
                   पलक पलंगरी पर छन भरि लय
                   चाही       हमरा        रैना       गे     

  लड़की -     तोहर   बाजब    अनमन   ओल     
                   जेना  बिनु  काजक  फूटल ढोल   
                   रै तोहर की ?  नाम छौ ।।   रै तोहर.......   

                                    गीतकार
                         रेवती रमण झा " रमण "
                                        


बुधवार, 25 अप्रैल 2018

बगुला त ठामे अइ हँस सब चलिगेल- रचयिता - रेवती रमण झा " रमण "

         || बगुला त ठामे अइ हँस सब चलिगेल ||

              की कहियौ रौ बौआ, युगे बदलिगेल ।
              बगुला त ठामे अइ , हँस सब चलिगेल
                                                   की कहियौ.......
              मोर तअ बैस गेल , नाँचय सब कौआ
              जितगरहा एक नै ,  देखहिन रौ बौआ
              गिदराक ज्ञान सुनी ,निरबुधिया पलिगेल
                                                   की कहियौ........
              पूतक  पोथी  नई   बाप  पढ़ि  पौलक
              हाथी  में  बल    कते   चुट्टी   बतौलक
              ज्ञान ध्यान गीता सहजहि निकलि गेल
                                                   की कहियौ........
              वहिरा     बौका     बनल       पटवारी
              चोरे    उचक्का   अइ  मठक   पुजारी
             "रमण" पिवि तारी रौ मोने मचलि गेल
                                                   की कहियौ........

                                   रचयिता
                         रेवती रमण झा " रमण "
                             mo 9997313751
                                 
                                           
           

मंगलवार, 24 अप्रैल 2018

माय विनु नेह केकर चित जागल - रचनाकार - रेवती रमण झा " रमण "

                                    
              || माय विनु नेह केकर चित जागल ||
                                       

                  माय विनु नेह केकर चित जागल ।
                  सरबस   प्रेम   वृथा   विनु   तोहर 
                  जाहि प्रीत विनु पागल ।।      माय.........

                  मल  त्यागल  आँचर  पर सदिखन
                  तों हँसि ताहि पखारल ।
                  कयलहुँ  कत   अपराध  माय  तुव
                  चित दुख सबहि बिसारल ।।   माय......

                  दारा   अरु  परिवार   सकल   जन   
                  सब सम्पदा निहारल ।       
                  माय   एक    तुव    अंग   निरेखल       
                  हुलसि गोद भरि पारल ।।      माय.........
                  
                  सहि  दसमासहुँ  वेदन  स्वांस धरि
                  कष्ट असह अवधारल ।   
                  "रमण" सधा नहि सकय तोहर ऋण     
                   पुत्र अधम जग तारल।।       माय..........
                 
               

   
                                रचनाकार                               
                       रेवती रमण झा " रमण "
                                    
                            
                                     
                 
        

             
                               
                                                
                                     
                                 
                                     

रविवार, 22 अप्रैल 2018

प्रियतम आई अयथिन की मोर ।। रचयिता - रेवती रमण झा " रमण "

              ||  प्रियतम आई अयथिन की मोर ||
                                       


                  कखन सं कौआ कुचड़ि रहल अइ
                  देखहिन भोरे भोर ।
                  गै प्रियतम आइ अयथिन की मोर ।।

                  प्रतिपल   पंथ   निहारि   रहल  छी
                  रहि - रहि  सगुन उचारि  रहल  छी
                  बहुतो   बात   बिचारि   रहल   छी     
                  नाचि रहल मनमोर ।        गै प्रियतम.......   

                  गाइक     गोवर    नीपल    अंगना
                  रुनझुन - रुनझुन   बाजल   कंगना
                  पायल    के    झनकार    झनाझन
                  खूब मचावय शोर ।।        गै प्रियतम........

                  वर  व्यंजन  बहु विधि  रचि साजल
                  अनुपम  प्रवल    प्रेम  चित  जागल
                  कौआँ     तरल     पड़ोरे     सजनी
                  आर तरल तिलकोर ।।      गै प्रियतम.......

                  रचि     सोलह   श्रृंगार   केने    छी
                  बत्तिस   अभरन   धारि   लेने   छी
                  रंजित   नयन   अधर   पुट   पाँडरि
                  लाले पहिर पटोर ।।          गै प्रियतम......

                                    रचयिता
                           रेवती रमण झा " रमण "
                                        

                

शनिवार, 21 अप्रैल 2018

तिरहुतिया भोजन अकरे कही ।। रचनाकार - रेवती रमण झा " रमण "

               || तिरहुतिया भोजन अकरे कही ||
                                     

उठि    अन्हरौखे     ब्रह्मस्नान ।
पूजा - पाठ  जाप  शिवध्यान ।।
 भाल त्रिपुण्ड श्रीखण्डहि चानन ।
 ठोप  सिन्दूर  सुशोभित आनन ।।
     धोती   कुर्ता   ,    चानहि    पाग ।    
 काँध   दुपट्टा   ,  चित  अनुराग ।।
  चूड़ा     दही    मिरचाइए    नोन ।
  चीनी   परिते  गद  -  गद   मोन ।।
  राहड़िक  दाइल  भात  तिलकोर ।
  ओलक   सन्ना   पटुआक   झोर ।।
  आदिए   घीव  ,  आ   अंत   दही ।
  तिरहुतिया  भोजन  अकरे  कही ।।

 रचनाकार
रेवती रमण झा " रमण "
                                    


                     


                  
               





                  







                  






मंगलवार, 17 अप्रैल 2018

मांगिते रहिगेलौ नइ देलौ आहाँ ।। गीतकार - रेवती रमण झा " रमण "

               || मांगिते रहिगेलौ नइ देलौ आहाँ ||
                                      

प्यार पावन वसन्तक उधारे रहल,
  मांगिते  रहिगेलौ  नइ  देलौ  आहाँ ।
  हम चितवन के उपवन में हेरि रहल,
  हे सुकन्या कहू ने कहाँ छी आहाँ ।।
                                               प्यार पावन........

पाँखि देलैन नइ हमरा विधाता हयै,
 पार  सात  समन्दर  में  ढूंढि  लितौ ।
 विधुवदनी  सुभांगी   सुनयना  सुनूं ,
    चान पूनम के बनि आइ आबू आहां ।।
                                           प्यार पावन.......

   चित लागल तय् लागल आहां सं कोना,
    जानि पौलहुं नइ  छन में  छनाके  भेलै ।
    मूक  नैनाक  भाषा  नइ  पढ़ि हम  पेलौ,
     एक  तूफान  दिल   में  द  गेलौ  आहाँ ।।
                                         प्यार पावन.......

     स्वर्ग भू पर कतौ  त  आहाँक प्यार अई ,
   "रमण"  बाकी जतेक सब  बेकार अई ।
    छी   प्रेमक   पुजारी   भिखारी    बनल,
      बुन्द  स्वाति वरषि   बनि आबू   आहाँ ।।
                                        प्यार पावन.......

गीतकार
रेवती रमण झा " रमण "

सोमवार, 16 अप्रैल 2018

यावत यौवति तावत मान - रचनाकार - रेवती रमण झा " रमण "

                   || यावत यौवति तावत मान ||



                     हे जग सुन्दरि कीयक गुमान ।

                     यावत  यौवति  तावत  मान ।।


                    काँटक  घात  भ्रमर  सह  पीर ।

                    भल नहि तुव भल तोहि शरीर ।।


                    जग स्वारथ् चित रहित विवेक ।

                    जे भल लाज   राख नहि टेक ।।


                    पवन  परस  सुख  उमरल गात ।

                    एक  दिन  कैल  विहूनहि पात ।।


                    जखनहि  कुसुम  परागक  छूछ ।

                    भल अनभल जग कियो नहि पूछ ।।


                    पहिलुक  मीठ   अंत  सब  तीत ।

                    स्वारथ पावि " रमण " सं प्रित ।।


                                   रचनाकार

                          रेवती रमण झा " रमण "
                                         

सोमवार, 9 अप्रैल 2018

एकोहि तुभ्यम् न द्वितीयो नष्टा ।। रचयिता - रेवती रमण झा " रमण "

                || एकोहि तुभ्यम् न द्वितीयो नष्टा ||

                   नमामि  कलिकाल  विकराल  रूपम् ।
                   जगद्  व्यापकम् भव्य संसार भूपम् ।।

                   भुजा  षष्ट  सुललित  चत्वारि चरणम् ।
                   बिकट  नेत्र  एका  उदर  सिंधु हरणम् ।।

                   विविध   रूप   धर्ता   कृत्वा   कलेश: ।
                   कुटिल   वाकपटुता    प्रपञ्ची   भेष: ।।

                   सकल  संत  योगी  सुभोगी  विलासी ।
                   धनान्ध    कामान्ध      पुर:    प्रवासी ।।

                   कुल्टा    कुभार्या     परगामी    पुरुष: ।
                   मिथ्यापवादि      मदिरां        निवास: ।।

                   न   भगिनी  न  भ्राता  पिता  न  पूत: ।
                   सर्वे    जना    स्वार्थ    सम्बन्ध   दूत: ।।

                  एकोहि    तुभ्यम्    न    द्वितीयो    नष्टा ।
                  ब्रूयात्      सत्यम      स भवेत     भ्रष्टा ।।

                  त्रिकाल       यामी      त्रिलोकै:      दाता ।
                  "रमण"   दास   चरणारविन्दे   विधाता ।।

                                       रचयिता
                            रेवती रमण झा " रमण "
                                           
      



ठाढि चानन तर कामिनि रे - रेवती रमण झा " रमण "

               
                                 || बटगवनी ||

                       ठाढ़ि चानन तर कामिनि रे
                       लीखल        दुई       पाँती ।
                       दिन   दुगुन  दुइ  मातलि  रे
                       डरपत       बिनु        वाती ।।

                       प्राण  हमर  नहि  जीयुत  रे
                       विरहिन      भेल       छाती ।
                       सेज  भवन  कछु  सोहन  रे
                       प्रियतम        विनु       राती ।।

                       कोन विधि कुशल अपन कहूरे
                       लीखब          केहि        भाँती ।
                       कत  अपराध    हमर  अछि  रे
                       नहि          वरसल       स्वाती ।।
    
                       "रमण" रभसि रति रत नहि रे
                        रहि            गेल         संघाती ।
                        भोर   बसंत   सुनल   नहि   रे
                         नहि          साँझ         पराती ।।

                                     रचयिता
                           रेवती रमण झा " रमण "
                                         


बुधवार, 4 अप्रैल 2018

शब्दानुप्रास अलंकार - रेवती रमण झा " रमण "

                     सरस्वती वंदना

                      शीतल सलिल सरोवर सरसिज

                    श्वेताम्बर    शुभ      सरस्वती ।
                    सरगम - सार सितार सुशोभित
                    सींचू     सुललित     सदमती ।।



                              || प्रभात ||

                         अलंकृत आसमान अरुणोदय

                   आभा  अवनि  अनल  अछि ।
                   अंडज  अट्टहास   आद्र   अति
                   अलंकार     आनल     अछि ।।
                   अचला अम्बुधि  अम्ब अम्बुज
                   अछि    अभिनव   अभिरामा ।
                     अलि अरविन्द अथिर अति आनन
                   अवलोकन         अविरामा   ।।
                   आन्तरिक्ष अम्बुद अम्बर अली
                   अनिल      अम्र    ओछायल ।
                   आरसि अवनि आप अब्ज अछि
                   अंशुमालि    ओहि  आयल  ।।



                            || भोरक बेला ||


                                 उमगत     उष्म     रश्मि

                         उदिय       मान     उनत 
                         उर्वि  उदय   उषा  उदित
                         उचकि  -  उचकि   उठत
                         उदधि     उदक    उत्पल
                         उन्मादिनी   उरज  उभय
                         उज्जवल उदन्वान उठल
                         उमगत उर उनमाद उदय
         



                       || पनिहारिन ||
                   कर कण्ज कुम्भ कटी कसी कल्पी

               कंजुक कली कोमल कोकनद कल
               कुमकुम   कपोल   कोमल   कुशुम
               कुशुमित   कलाघर   कवि     कहय
               काकोबर      कच     कंठ     कक्षप
               कर   कान   कंगन   किरण   कंचन
               करुण     कोमल     कुहुकि     कीर
               कृशानु    कल    कर   कोउ   कहय
               किसलय    कलेवर     कल   कमल
               कन्दर्प            काल          कामिनी
               कापर       करौ      कलत्र     केश  ?
               कंत        कात      कहौ        कासौ
               कुवलय         कुलंकषा ,        कहाँ
               कवन्ध      काल        कैसे      कहौ


                   ||   स्नातक  ||
                        स्हर सदन सँ सखि सरि संजुत

                   स्नातक   सर   सुन्दरि  समुदाई
                   सुमन  सुवेष  सकुल  सुगन्धित
                   सरिता  सलिल   सरोज  सुहाई
                   श्लाद्दया     शुचि      शुदामिनी
                   श्रीफल       सोह      सौकुमार्य
                   स्निग्ध   शुधाग्रह    सोह   शुक
                   सयानी  सकल   सनहुँ  सुकार्य
                   शतदल   सुत     सजाउ   सीथ
                   शम्बर     सुन्य     सर्व    सुजल
                   श्यामा      सोह     सोमु    सुन्य
                   स्वामी      सुभामिनी      सकल
                   समय  सखी  सुख  पूँज  सोलह
                   सुमन    सेज     सुवास   समाने
                   सतत  सवल  शरीर  सारंग  शर
                   सहस्त्र         सहौ        समधाने




                         || आलिंगन क्रीड़ा  ||

                     पचि - पचि परसय पति प्रगति पंथ पद

               पेखिय    प्रतिबिम्ब      पड़ी    प्रमुदित
               पुट     -    पाणी   पचारि    पयोधर   पै
               पशुपति      प्रतिदुन्द       प्रबल    प्रमत
               पति      पौरुष      परुष     प्रहार    प्रेम
               पिड़ित       प्रतिकूल     पडी     पतिपय
               पसेउ     -     पसेउ     पटु    पाय    पोच
               पैहहि    पति    पुन     -    पुन     परसय




                           || छलक  छुरी ||

                                छटपटाइत छातीक छिहुलैत

                        छोटछीन    छौडीक       छवि
                        छिरिआयल छाताक छाँहे छल
                        छानविन  छनेत  छुब्ध  छी
                        छिटकैत छल ,छल छुपकल
                        छिटने       छ्ल        छाउर
                        छौडी    छाँटलि     छेटगरि
                        छलक        छूरी         छ्ल



                             ||  चमचाक चालि  ||

                              चतरल   चहूँ   चमचाक  चाईल

                       चटपट चक्षुक चमत्कारे चिन्हैत
                       चाहक   चुस्कीए   चूसि  - चूसि
                       चिल्हक        चोखगर       चोचे
                       चियारैत       चमड़ी     चिबाबैत
                       चंडाल        चोभि     -     चोभि
                       चमडीक     चुम्बकीय      चटक
                       चानक       चादरि      चिन्हाबेत
                       चमकैत       चपलाक      चमके
                       चुपचाप           चित्त             के
                       चहटगर       चटकार      चटाबैत
                       चितासनक      चादरि     चढ़बैत
                       चटैत            चतुर          चमचा
                       चरण    चाँपि      चुट्टिक    चालि
                       चतरल    चहुँ    चमचाक   चालि



                                   रचयिता

                               रेवती रमण झा " रमण "
                              Mob - 09997313751

                                 
            

मंगलवार, 3 अप्रैल 2018

वर ऋतुराज तकै छथि मान - रचयिता - रेवती रमण झा"रमण"

                 || वर ऋतुराज तकै छथि मान ||

                अलि कलि केलि चाहय मधु पान ।
                वर  ऋतुराज   तकै   छथि  मान ।।

                निन्द  अभागलि  भंग  खन  भेल ।
                पिक कल - रव कर उठि गण गेल ।।

                अलि गण लखि मोर कर उपहास ।
                 एहि  अवसर  पहुँ  कर दूर वास ।।

                धरा  धरन  धर    रिपु  तन  आन ।
                ई   अवसर   जकरा   सैह  जान ।।

                मौन  "रमण"  इह  अवसर खोय ।
                उरग    छुछुन्नर  धय   गति  होय ।।

                                   रचयिता
                         रेवती रमण झा " रमण "
                                        

"विरह गीत" - रेवती रमण झा " रमण "

                || दुइ दिन चान बढ़ल तजि देल ||
                                "विरह गीत"
                    दुइ दिन चान बढ़ल तजि देल ।
                    जे शशि आब  पूर्ण सन भेल ।।

                    आब मधुप मधु  जँ नहि पान ।
                    तँ रस छिन नित होयत मलान ।।

                    असह  उमा पति  शत्रुक घात ।
                    प्राण विहून  कैल  निज गात ।।

                    करमक  छूछ  पूछ  नही  एक ।
                    भाग  जाहि  वर  मीत अनेक ।।

                  "रमण" सुमन मति गति तुव जान ।
                    भल करम नहि  लीखल विधान ।।

                                     रचयिता
                           रेवती रमण झा " रमण "