dahej mukt mithila

(एकमात्र संकल्‍प ध्‍यान मे-मिथिला राज्‍य हो संविधान मे) अप्पन गाम घरक ढंग ,अप्पन रहन - सहन के संग,अप्पन गाम-अप्पन बात में अपनेक सब के स्वागत अछि!अपन गाम -अपन घरअप्पन ज्ञान आ अप्पन संस्कारक सँग किछु कहबाक एकटा छोटछिन प्रयास अछि! हरेक मिथिला वाशी ईहा कहैत अछि... छी मैथिल मिथिला करे शंतान, जत्य रही ओ छी मिथिले धाम, याद रखु बस अप्पन गाम - अप्पन बात ,अप्पन मान " जय मैथिल जय मिथिला धाम" "स्वर्ग सं सुन्दर अपन गाम" E-mail: apangaamghar@gmail.com,madankumarthakur@gmail.com mo-9312460150

AAP SABHI DESH WASHIYO KO SWATANTRAT DIWAS KI HARDIK SHUBH KAMNAE

शुक्रवार, 20 अक्तूबर 2017

भ्रात - दुतिया

                       
                        ||     भ्रात- दुतिया   ||
                       


  उठि अन्हरौखे   आँगना   नीपलिअई
सब भरदुतिया के विध ओरिएलिअई

भैया अहन कठोर कीय भेलिअई यौ
नै         एलिअई          यौ  ।।
                                  भैया........
मंगितौ  ने  साड़ी,  ने  मंगितौ रुपैया
अबितौ, नयन भरि देखितौ यौ भैया

महल  बुझै  छी, ई  टुटली मरैया के
की    जानि   आहाँ  डेरेलिअई  यौ
नै   एलिअई यौ       ।।              
                                भैया..........

कत  सिनेहे  सॅ  भानस   केलिअई
छाल्ही भरल दूध छाँछ पौरलिअइ
तरल परोड़ , तरल पात कौआ     
तिलकोरो आहाँ लय तरलिअइ यौ
नै एलिअइ यौ।।                      
                              भैया..............

भरि पोख कानि-कानि नोरे नेराओल
नहिरा वियोग कुदिन-दिन गाओल   
उलहन भरैया ननदि सौतिनियाँ।     
दियौरो के ताना सूनलिअई यौ।      
नै एलिअइ यौ।।                         
                         भैया..............

किरण डूबैत धरि बाटे जोहलिअइ
     सरिसो के फूल जेकाँ लोटि खसलिअइ
"रमण" मलान भेलौ यौ भैया          
       माय बिनु नैहर बुझलिअइ यौ              
नै एलिअइ यौ।।                       
                             भैया...........      

रचनाकार


            
रेवती रमण झा " रमण "
गाम- जोगियारा पतोंर दरभंगा ।
फोन - 09997313751.
                         
                   



                       

कोई टिप्पणी नहीं: