दिगम्बर जटाधारी। रेवती रमण झा " रमण "

                               || नचारी ||
                            दिगम्बर जटाधारी
                          

  बमभोला    दिगम्बर  जटाधारी  

कौने दिशा में, गेलै मोर योगिया

मोर        बौरहवा       त्रिपुरारी

                  बमभोला..........

      गणपति   बापू  के , कियो  पता  दे   

      ओहि   मशानी    के   कियो  बता दे   

   पिया बिनु आब कोना,रहबै गए दैया

               जीवन     ई     हम्मर    भेलै    भारी           

                        बमभोला..........   

     मति मरि गेलै  ,नई भांग  पिसलिअई 

         नई हम जनलिअइ,अनुचित केलिअई     

    भांगहि     खातिर    भगलै   केलाशी

     कौने   रहिया    में     गेले   रे  भंडारी

                       बमभोला............

    "रमण" उमा बिनु, शिव कतय जयता

     बैसू   अपन   घर,    अपनहि   औता

      आबि  गेला  शंकर,  देखू  नयन  भरी

      ओढ़ी          बाघम्बर      त्रिशुलधारी

                      बमभोला...........

रचनाकार

   रेवती रमण झा " रमण "

कतय सँ ई मुरलीक मधुर गीत उठल

           ||कतय सँ ई मुरलीक मधुर गीत उठल ||
                                 

     गूँजि उठल वसुधा, कि अम्बर सँ टुटल
     कतय सँ ई  मुरलीक  मधुर गीत  उठल
     चललि  छी  पानिक   नदिक  हम  तीरे
     कीयक मोन विस्मित ,भेल स्थूल सरीरे
     दूनू  चक्षु  चंचल ,   केकर  बाट  जोहय
     के  मन  एकाकी ,    एका  एक  मोहय
     अंजान  पथ  पर , रुकलि  बनि बता हे
      के    पैर   दूनू  ,     देलक   रोकि   राहे
     सकल शर्म लज्ज्या,के हमर आई लूटल
     कतय  सँ  ई  मुरलिक मधुर  गीत  उठल
     किरण  आब  साँझक ,  देखाक   डूबैया
     निशा    कृष्ण     पक्षक    सेहो    छूबैया
     चरवाह   वन   सँ    अपन   वाट   धेलक
     चीड़इ  सब  खोता , अपन  आब  लेलक
     रहब  हम  ठाढहि ,  काहाँ सुधि हेराओल
     के   ई   हमर   चित्त   छन   में   चुराओल
     कलश  काँख  तर में,परल अइ की फूटल
     कतय  सँ  ई  मुरलीक ,मधुर  गीत  उठल
     के  छी ?  काहाँ  छी ? हमर  प्रार्थना अइ
     करू  बन्द  मुरली   ,   हमर  अर्चना  अइ
     विलम्बक  कथा , गृहि  कहब  की बचाबू
     निर्दोष   हम   छी   ,    नै   हमरा   नचाबू
     आहाँक गीत मुरलीक, हृदय हमर छूबि गेल
     उमरि परल धार मधुर अमृत  सार चुबि गेल
     तृषित प्यास पानिक  ,  हमर सब छूटल
     कतय  सँ  ई मुरलिक  मधुर  गीत   उठल
     
                             रचयिता
                   रेवती रमण झा "रमण"
                        

ई अवला पाबि अनर्थे

                 ||  ई अवला पाबि अनर्थे ? ||

                 रभसि ,रभसि अति प्रीत पसारथि

                 मम         वयसक         वीपरीते ।

                 नयनक    नोर    अङ्गोरे     जारथि

                 हेरत     हे    प्यास    की    सीते ।।

                 सुललित सुरति रचल विधि वियर्थहुँ

                 मरम         करम           असमर्थे ।

                 नहि   सम     नयन   निरेखथि  दैबहूँ

                 ई     अवला      पावि     अनर्थे   ?

                    रचयिता

                         रेवती रमण झा " रमण "

                         

       

आँहा सासुर में रखबै कोना क

  ।। आँहा सासुर में रखबै कोना क ।।

धिया    नैहर  के   बहसल   ठोर

    आहाँ   ससुर में रखबै  कोना क ।।

बापक   फूल बेटी मायक  दुलारु

   निपलौ ने आँगन पकरलौ ने झाडू

धिया        पाकल          पडोर

    आँहा  कोहबर में रहबै कोना क ।।

                                              धिया नैहर..................

   छोटके कि बड़के,ने ककरो चिताबी

   एमह  के  ओमहर,  लुतरी    लगाबी

बोल           ननदिक        कठोर

बचन  सासुक  सहबै कोना क ।।

                                          धिया नैहर................

प्राणनाथ प्रियतम के सेवा की करबै

पहिलुक परसि अपन आँगा में धरबै

"रमण"      पिपनी     पर     नोर

छन्नही    में    बैसबै    जना    क

                                धिया नैहर................

                                   रचयिता                            रेवती रमण झा"रमण"

                               

                   

                     

उघारि लीय मुँह

                             उघारि लीय मुँह
                             

           
                उघारि लीय मुँह , हये घोघ वाली कनियाँ
                ऐ चले छी आहाँ,  ई  हँसेया  दुनियां ।।
                
                जाने छी सब बात, बैसल छी घरे
                देखै   छी   सबके  , घोघक   तरे 
              
                बाजे छी टन-टन जेना कि हरमुनियाँ
                ऐ चले छी आहाँ----------------------

                बाजे छी थोरबे , छोट  मिरचाइ  सन
                देखै में चिक्कन, मुदा छी सलाई सन

                लेसे छी चुप्पे , जे बुझत के दुनीयाँ
                 ऐ चले छी आहाँ -------------------

                धोइल् अहाँ छी , आ सब मुसहरनी
                सत्ती आहाँ छी , आ सब भेल चोरनी

              "रमण" के धुनेंछी, जेना की धुनें धुनिया
                ऐ चले छी आहाँ -----------------------

                                  रचयिता
                        रेवती रमण झा " रमण "