|| दियाबाती गीत ||
पग - पग पर अभिराम |
चौदह वरस बनवास बिताकय
आइ एला मोर राम - - ||
देखू आइ एला ---
दीपहि दीप कतारे लागल
चट- दय जेना अन्हरिया भागल
जगल जन - जन , पुलकित अछिमन
सभतरि देखू सुख - धाम |
देखू एला लखन सीया राम ||
देखू आइ एला ---
अड़िपन उपर कलश शुभ साजल
ढ़ोल मृदंग ख़ुशी के बाजल
मंगल गीत सखी मिलि गाओल
मुदित अयोध्या धाम |
देखू एला लखन सिया राम ||
देखू आइ एला ---
सब शोक संतापे ससरल
हास्य विनोदे सभतरि पसरल
"रमण " मुदित मन नाचय पुलकित
शोभा निरखि ललाम |
देखू एला लखन सिया राम ||
देखू आइ एला ---
रचित -
रेवती रमण झा "रमण "
कोई टिप्पणी नहीं:
एक टिप्पणी भेजें