अपन गाम अपन बात

रोशन कुमार मैथिल - 

  

नोटः मैथिली साहित्य परिशदक परिसरमे साक्षर दरभंगा द्वारा ओयोजित विद्यापति समोरह 2014 मे हमरा द्वारा पढ़ल गेल कविता।

कहबा ले बेटी कें सीता कहै छी
कोखिये मे मारै छी यौ-2
बेटी बिना कोना बेटा जनम लेत
से नहि सोचै छी यौ-2

बेटी जनम पर छाती पीटै छी
घर मे मातम मनाबै छी
बेटा जनम पर चानन केर लकड़ी-2
षोइरी मे अहां जराबै छी
बेटा कें अहां अपन मनै छी-2
बेटी कें आन बूझै छी यौ 
बेटी बिना कोना बेटा जनम लेत
से नहि सोचै छी यौ-2

बेटी थिक लक्ष्मी, सीता स्वरूपा
बेटी थिकी श्री राधा यौ
बेटी बिनु ई सृश्टि अधूरा-2
स्वंय नारायण आधा यौ-2
तैं जं बुढ़ारी मे ठेस नहि लागय 
बेटी बचाबू यौ-2
बेटी बिना कोना बेटा जनम लेत
से नहि सोचै छी यौ-2

   जनहित में  जारी ---