अप्पन हारल ककरा कहबई

कोमल मोन तन्नुक भाव ,
शब्द कठोर , गंभीर घाव |
दोसर सदिखन हंसी ऊडेतई,
मोनक बात जकरा कहबई |
अप्पन हारल ककरा कहबई-

बाज'य कथा सब अपने अपना ,
टूटय बरु आनक सुन्नर सपना  |

फाटल दोसर टांग अड़ाबई ,
एकरे त' सब रगडा कहबई |

अप्पन हारल ककरा कहबई -

भाऊ हिसाबे ,सिनेह देखाबई ,
गिरला उत्तर आँखि चोराबई  |

गेठी दाम नहि महल मोलाबई ,
एकरे दादीक फकरा कहबई  |

अप्पन हारल ककरा कहबई-

कियो पैघ नहि कियो छोट ,
थोड बहुत त' सब में खोट  |
बनि अप्पन जे सुनतइ बात ,
मोनक मीत तकरा कहबई  |

अप्पन हारल ओकरा कहबई  -- 

सादर : महेश झा 'डखरामी '