कि हमहूँ रहबै बेरोजगार?



                                               

 खिचरी  खायते- खायते  समय  गमेलो

 नही   भेटल   शिक्षा  केर   अधिकार ,

 बौवा नेना  कही घर से  प्यार  भेटल

 नहीं  भेटल आँगन  बारि केर  केंद अधिकार ,,

      आब  कहू यो  एस  डी ओ  साहिब

      कि  हमहूँ   रहबै   बेरोजगार ?   

 

  डिग्री  लेने   गाम   सहर  सं

  भैया  हमरो  सब  कतेक  हजार  ,

  शिक्षक पद के  आश  में सदिखन

  घुमैत  फिरैत  छैथ हाट बाजार  ,,

           आब कहू यो  नितीश  सरकार  

            कि हमहूँ  रहबै  बेरोजगार ?             

 दौरते - दौरते  राईत  दिन  हम

दरभंगा , मधुबनी  लोकसभा केर दुवार ,

हारल थाकल घर  आबि हम बैसलों 

नै मिलल पंचसमिति केर अधिकार ,,

    आब  कहू यो  नेता - मुखिया

    की  हमहूँ  रहबै बेरोजगार  ?

 दिल्ली में  किछ इज्जत  अछि बाचल 

माहाराष्ट्र  सरकार  केलक  बहार ,

देश  दुनिया  के खोज खबरी सुनी 

मन  कहैत अछि,  नै  छोरू  घर- दुवार ,, 

       आब  कहू यो  बिहार सरकार        

       कि हमहूँ  रहबै  बेरोजगार ?

             the end

            

मदन  कुमार ठाकुर

ग्राम/पोस्ट- कोठिया पट्टीटोल

 झंझारपुर , मधुबनी  ,

     बिहार ( 847404)

mo -91-9312460150

E-mail , madanjagdamba@yahoo.com