बिहारमे की छै ?
नेता छै, लाठी छै
लोके छागर-पाठी छै
जही टोल पर नजरि उठेबै
हेंजक हेंज कविकाठी छै....
बिहारमे की छै ?
विधायक सब गोल छै
सांसद बकलोल छै
चौके-चौके सह-सह करइत
जनता फूटल ढोल छै ....
बिहारमे की छै ?
तरुआ-तिलकोर छै
मारा माछक झोर छै
उज्जर दपदप कुर्ताधारी
कुल्लम नेता चोर छै ....!
बिहारमे की छै ?
पाबनि-तिहार छै
स्वागत सत्कार छै
नित्तह चलै कुमारिए भोजन
लेकिन बेटीके चित्कार छै ...!
बिहारमे की छै ?
चमकी बोखार छै
तंत्रो लाचार छै
पोस्टर सभतरि तैयो भेटत
'बिहारमे बहार छै ...... '
बिहारमे की छै ?
आमदनी कम आ फुटानी
बड छै
बिहार मे की छै ...
जनता कम नेता अथाह छै
बिहार मे की छै
Writing - Kislay Krishan
◆◆◆
कोई टिप्पणी नहीं:
एक टिप्पणी भेजें