|| एक वेर हमरो देखाबह ||
तनिके तू डमरू बजाब हौ भोला बाबा-2
सुनै छीय ताण्डव नृत्य नचै छह
एकबेर हमरो देखा बहहौ भोला बाबा ।।
तनिके तू......
नित कैलाश पर वास तोहर छह
आँके धथुर भांग चास तोहर छह
भाल पर दुतियाक चान चमकै छह
घर - घर ज्योति जगाबह हौ भोला बाबा
तनिके तू......
बीचहि मसान में धुनी रमौलह
भस्म चिता तन सगरो लगौलह
गंगाक झरना में अपने नहयलह
एकबेर हमरो नहाबह हौ भोला बाबा
तनिके तू......
बम् - बम् दिगम्बर हर त्रिपुरारी
देखह दुआरि एक अयलह भिखारी
लेबह ने अनधन सोना असरफी
दुनू नयन के जुराबह हौ भोला बाबा
तनिके तू......
"रमण" त तोहरे चरण लपटयलह
हौ बाबा हमरा कीयक बिसरयलह
जागह हौ भांगक वेर भेलह बाबा
कुण्डी सोंटा खरकाबह हौ भोला बाबा
तनिके तू......
गीतकार
रेवती रमण झा "रमण"
Mo -9997313751
कोई टिप्पणी नहीं:
एक टिप्पणी भेजें