अपन गाम अपन बात

देव पीबै छथि अमृत तइयो 
भय सँ छथि मुर्झायल यौ
माहुर खा कS देखू शिवजी
मंद मंद मुस्कायल यौ...
देवलोक देखू परम आनंदक
भोग विलास मे बाझल यौ
महाकाल शिव औढ़र दानी
मरघट धूनी रमाओल यौ...
देव श्रृंगार अनूप अलौकिक
रची-रची रूप बनाओल यौ
भष्म रमाओल भोलादानी
बाघ छाल्ह बस ओढ़न यौ....
रंग बिरंगक मुकुट सुशोभित
देवक रूप सोहाओन यौ
शीश जटा शशी चमकि रहल छन्हि
शिव भोला भंडारी यौ....
देव शरण मे जाइथ शिवालय
गर कतौऊ सँ हारल यौ
भोला छथि बमभोला दानी
स्नेह सुमन बड़साबैथ यौ...
लेखक -   पंकज झा 

https://www.facebook.com/pankajji13