|| छैठ ||
चलू साजि सखी घाट लय ढाकी
छैठक कोसिया कुरवार |
सजल अछि झुण्डक झुण्ड कतार
कोकिल कण्ठे सुमधुर वाणी
छैठक गीत गाबैथ मिथिलानी
नव ऑचर पर नाचय नटुआ
घुँघरु के झनकार ||
सजल अछि -------
जेहन जिनकअछी कबूला पाती
घाटे भरल तेहन अछि पाँती
अस्सी बरखक बुढ़ियो जल में
कोनियाँ लेने ठार ||
सजल अछि ---------
ठकुआ भुसबा लड़ू पेडा
पान फूल फल पीयर केरा
हाथी ऊपर सजल अछि दीया
ढाकी में कुसियार ||
सजल अछि -------
हे दिनकर , हे राणा मैया
हमर कियो नञि नाव खेबैया
बीच भवँर में उबडूब जीवन
अहिं "रमणक " पतवार ||
सजल अछि -----
चलू सजि ---छैठक कोसिया ---
सजल अछि -------
रचित -
रेवती रमण झा "रमण "
कोई टिप्पणी नहीं:
एक टिप्पणी भेजें