हनुमान जी के आरती

 आरती      उतारी   
  यौ  अंजनि के लाला  | 
   राम   नाम  अमृत के 
पिवि  गेलौ प्याला | | 
     आरती  उतारी -- यौ  अंजनि ---

लाल देह लाल ध्वजा , 
लाले   लंगोटा 
लाल वदन  हाथ अछि ,
 लाल अछि  सोंटा 
लाले नयन लाल -
 तिलक गले माला  || 
आरती  उतारी -- यौ  अंजनि ---
दीन  हितकारी 
हे पापक निकंदन 
पवन पूत राम दूत 
केसरिक  नंदन 
अहाँ  सनक  कियो नञि  
एकौ  मतवाला || 
आरती  उतारी -- यौ  अंजनि ---
शंकर सुवन कपि 
चंचल  चारु 
"रमण  " सरण में , यौ 
नयना  निहारु 
कान्धे  जनेऊ  मुंज 
केश घुँघराला  ||
 आरती  उतारी -- यौ  अंजनि ---

रचित - रेवती रमण झा '' रमण "

http://apangaamapanbat.blogspot.in/2016/11/blog-post.html

मैथिलि हनुमान चालीसा अही लिंक सं पढू आ सुनु