प्राणप्रियतम सुनू , जा रहल छी कहाँ
रंगि दीय आइ हमरा , अहाँ रंग में ।
छी मातल अहाँ , मस्त हमहुँ सुनू
पूर्ण यौवन हमर ई अहाँक संग में ॥
प्राणप्रियतम सुनू -----
ई अवीर कर - कमल सँ मलू गाल पर
आइ गाबू ई होली , बिना ताल पर
छन्द स्वर लय हेरा कउ परा कउ चलु
तजि दीय लाज सबटा ई हुड़दंग में ॥
प्राणप्रियतम सुनू -----
नेत्र अछि दुनू देखु , शराबी जेकाँ
बकि रहल छी ई पत्रक जबावी जेकाँ
अछि पिपासी अहाँके दासी प्रिय
भरि लीय आइ हमरा , अहाँ अंग में ॥
प्राणप्रियतम सुनू ------
रंगल अछि वसुधा , रंगल अछि गगन
ई अहाँक रंग रंगल , हमर देखु मन
रंग होरी के झोरी लेने हाथ में
"रमण " देखू पीने मस्त अइ भंग में ॥
प्राणप्रियतम सुनू ------
रंगि दीय आइ हमरा , अहाँ रंग में ।
रचना कार -
रेवती रमण झा " रमण "
ग्राम - पोस्ट - जोगियारा पतोर
आनन्दपुर , दरभंगा ,मिथिला
मो 09997313751
आनन्दपुर , दरभंगा ,मिथिला
मो 09997313751
कोई टिप्पणी नहीं:
एक टिप्पणी भेजें