भगवती के गीत (By Abhay Deepraaj)

अभय कान्त झा दीपराज के मैथिली गीत

               भगवती के गीत

जय  माँ  अम्बे ,  जय  जगदम्बे , हमरा  पर  उपकार  करू |
हम  बालक  भटकल - बौआयल  ,  जीवन  के  उद्धार  करू ||

हम   कामी ,  लोलुप   और   पापी ,  अपराधी   संसार   के |
शरण   अहाँ   के   अयलों   माता   आशा  ल  क   प्यार  के ||
चाहे   दण्डित    करू   हे  जननी ,  चाहे   बेड़ा   पार   करू |
जय  माँ  अम्बे ,  जय  जगदम्बे ,  हमरा  पर  उपकार  करू || १ 

माता  अंश  अहीं  के  हम सब  , अहीं  क  रूप  अनेक अछि |
हम   कपूत त दोष  अहीं  के ,  अहीं  क  देल  विवेक अछि ||
अब   चाहे   अहाँ   करू   तामश  ,  चाहे   हमरा  प्यार  करू |
हम  बालक  भटकल  -  बौआयल  , जीवन  के  उद्धार   करू || २

नेहक  आशा  ल   क   जननी ,  शरण  अहाँ   के  आयल  छी |
अहीं   उबारब त हम   उबरब  ,  अहीं   के  भटकायल   छी ||
अहीं   बनेलौं   मूरख    हमरा ,   अहीं    बुद्धि   आगार    करू |
जय   माँ  अम्बे ,  जय  जगदम्बे, हमरा  पर  उपकार  करू || ३ 

जग    में    हे     जगदम्बे     अहीं    स्नेहक     भण्डार    छी |
बुद्धि,  ज्ञान,  बल,  विद्या  के  अहाँ, सागर  छी ,   संसार   छी ||
हाथ   कृपा  के  राखि  माथ   पर , हमरो   नीक   कपार  करू |
हम   बालक   भटकल - बौआयल , जीवन  के  उद्धार  करू  || ४

स्वस्थ,  सुखी,  संपन्न,  धर्म - युत  जीवन  के  आशीष  दिअ |
परमारथ और पर सेवा में झुकल रहय ओ रहय ओ शीश दिअ||
बसि  क   हमर  आत्मा  में   माँ ,  पापक  अहाँ   संहार   करू |
जय  माँ  अम्बे, जय   जगदम्बे, हमरा   पर   उपकार  करू ||५ || 

                         रचनाकार - अभय दीपराज